電影學生帶住劇照遊香港 對應實景撐港片︰勿忘初衷支持本土戲

撰文:沈洛嘉
出版:更新:

近日一個名叫「映遊舊戲」IG帳號,開了只係短短數月,今日突破5千位追蹤人數,全因他們想向大家好好重溫一下對港產片的愛,由於形式有趣吸引到不少人關注,日前「映遊舊戲」(throwbackhkfilmstory)接受《香港01》訪問,談及IG的形式以及想向大家推廣一個極為重要的目的。

「映遊舊戲」成員表示幸得Cecilia(蔡思韵)幫手repost,令page的知名度大大提升。(映遊舊戲/throwbackhkfilmstory圖片)

《幻愛》開始多人關注
「映遊舊戲」其實由電影系的學生開設,他們自言這個IG原本是為了做Project交功課,但就在過程中覺得好有趣,所以大家決定繼續玩落去,而主要目的是想跟大眾一同認識新舊的港產片,順勢支持本土電影。

問及近日多了不少網民留意到該IG,主理人表示:「其實我哋原本冇咁多人睇,不過出完《幻愛》之後多得Cecilia(蔡思韵)幫我哋repost,我哋個IG就開始多人關注,所以繼續出多啲post畀大家睇。」

+1
1990年上映的《咖哩辣椒》是星爺跟學友鮮有合作的電影,其中一場戲正正就是在半島酒店拍攝,而半島酒店更是港人不時都會經過的地方。(映遊舊戲/throwbackhkfilmstory圖片)

《上海灘賭聖》停機坪最難搵

作為一班電影系學生,當然好想為港產片出一分力,但單單喜歡,又可以怎樣去幫忙呢?所以想到以另類方式推廣港產片。「我哋想畀人睇返新舊港產片場景嘅對比,帶觀眾從我哋個page重遊舊地,令到佢哋回憶返當時睇戲時嘅感受。順道介紹返啲電影場景喺邊到拍,大家平時可能會經過嗰到,但未必知嗰度拍過咩電影。最後都係想大家留意多啲香港電影。加上我哋發現香港變得好快,有啲建築物想影嗰陣已經冇咗,又或者已經成棟唔同晒。」

當問到有冇試過搵錯場景時,他們笑言:「有呀,有時甚至搵唔到個景,例如《賭神》有幕周潤發拎住米奇老鼠波,上網睇資料話喺旺角東,但去到搵唔到,最後睇返幾次先搵到係旺角第二度,不過要數最難搵就是《上海灘賭聖》周星馳時光倒流個停機坪,不過好彩最後都搵到,原來在大埔。」其後再有補充講到其實有張《賭神》劇照, 劉德華背景是太子凱聲戲院以及麗聲戲院,但因為現時已變成始創中心,所以影唔到,最後只好放棄。

2003年的《忘不了》由張栢芝、劉青雲以及原島大地主演,除了場景,當中更記載了港人日常都會接觸到的小巴。(映遊舊戲/throwbackhkfilmstory圖片)

就算搵啱景要對番都唔容易

「映遊舊戲」暫時都已介紹了不少經典電影,包括《旺角黑夜》、《忘不了》、《賭神》、《無間道》,加上最近大熱的《幻愛》都有在內。最後問到這個計劃準備了多久時?他們則回應其實冇特別去數,通常睇完幾套電等大家都對個場景有印象,才會開始去影。有時上網可以搵到資料,如果網上冇就會重複睇戲估下地點,不過有時都會撞板估錯或者搵錯地方。至於拍攝上最難是張相要對返個實景︰「好多時對到一邊又對唔到另一邊,要不斷搵啱個角度。」

港產片的確值得香港人多多留意及支持,難得一班學想到特別的方法來宣傳以及重溫,他們更希望大家都可以好似他們一樣去拍到經典場面再tag返佢哋,這樣一來就可以將整個玩法傳開去,吸引大家多多關注港產片。

點擊睇更多昔日港產片經典場景:

+17