2021賀歲片│抗疫電影大戰《狂舞3》 《糖街製片廠》靠嚇突圍
撰文：沈洛嘉
出版：更新：
最近聖誕檔期雖然上映電影不多，但香港觀眾仍可透過Netflix、HBO Max等串流平台睇戲，最近就有台灣同志題材電影《刻在你心底的名字》、DC超級英雄片《神奇女俠1984》（Wonder Woman 1984／WW84）等上架，至於來年賀歲檔又有咩好戲睇呢？
由於香港新冠疫情反覆，戲院仍未能如期開放，有網民笑指原定在聖誕節上映的《拆彈專家2》，分分鐘要成為賀歲片。不過查問過電影公司後，證實不會延到賀歲檔，只要待戲院重開首日，便會即時上映，所以影迷不用等到賀歲檔才有得睇戲。至於其他2021年賀歲檔之作，暫定就有《不日成婚》、《唐伯虎》以及《狂舞派3》等電影排住隊，據知集全港電影人合拍的抗疫電影《總有愛在隔離》都會首選賀歲檔同觀眾見面！除了上述電影之外，由葛民輝、鄒凱光、楊柳青、蘇皓兒及陳漢娜主演的《糖街製片廠》，以賀歲片來說相當大膽，題材以香港糖街製片廠作藍本的鬼故事，賣貼地本土味，有機突圍，過年看鬼片，相信會為觀眾帶來新鮮感。
蘇皓兒首拍鬼片《糖街製片廠》，對年輕觀眾有一定吸引力。
+7
在內地方面，由於戲院未有關閉，所以《拆彈專家2》現正上映中，更開出4日大賣4億人民幣的超強成績，那麼賀歲檔又有咩戲睇呢？
+5