《#PTGF出租女友》趙善恆@ToNick 打算繼續發展《一秒拳王》班底

撰文:沈洛嘉
出版:更新:

蕭定一旗下「hmvod」開拍的話題港產片《#PTGF出租女友》,電影改篇自真人真事網絡小說,ToNick成員趙善恆(恆仔)早前憑《一秒拳王》贏盡口碑,今次擔任《#PTGF出租女友》男主角,他接受《香港01》訪問時表示十分感謝蕭定一。
攝影:葉志明

ToNick成員趙善恆(恆仔)擔任《#PTGF出租女友》男主角。(葉志明 攝)

當問到今次拍攝《#PTGF出租女友》跟《一秒拳王》時最大分別在何處時,恆仔回應:「對比打拳嚟講的確冇咁吃力,但在於演員嘅界別嚟講,我仍然仲係一個新人,所以好想再挑戰自己,同導演溝通過,都知道佢用咗3年時間嚟構思呢個劇本,究竟點樣可以滿足到同呈現到佢想要嘅嘢會喺我最大嘅課題。」

由於《一秒拳王》後,未見恆仔身型有反彈,問到是否都有保持身材時,他:「飲食上一路都有保持好,盡量食得清啲,有做運動、跑步,當然冇上次拳手式咁刻苦嘅訓練。」

恆仔跟飾演PTGF的鄧月平會有較多對手戲。(葉志明 攝)

由於恆仔跟鄧月平在戲中是一對,他從英國回流後遇上PTGF鄧月平,所以兩人都有很多對手戲,問到兩人會否有大膽的戲份時,恆仔:「呢樣都係我同導演傾得最耐嘅一件事,究竟想拍到咩程度,要有幾多?點解?合理嘅話要盡力去做,而佢又想點拍呢?導演都有同我講『你放心,唔係要你亂嚟,每個場口都會有唔同嘅感情』(究竟有冇大膽戲份?)暫時傾到同鄧月平呢條線,我哋係好純粹嘅愛情線,但最終會唔會有呢啲戲份就要等大家入場睇戲喇。」

恆仔感謝蕭定一邀請。(葉志明 攝)

恆仔自言同蕭定一相識已久,對方打電話邀請演出男主角,過程中自己都跟經理人溝通、考慮了很長時間,因為都要思考下自己究竟做唔做得來,最終覺得作為演員的確無論如何都要作出挑戰,做好自己的本份亦好多謝蕭定一。

最後恆仔感謝大家喜愛《一秒拳王》,目前會專注在《#PTGF出租女友》上先,其實自己都有諗辦法將《一秒拳王》的班底繼續去發展,亦都構思緊故事,一部電影需要的時間都好長,自言會努力去做,希望大家可以耐心等待。

+6