《大叔的愛》愛巢係《逆流大叔》黃德斌舊居 陳詠燊︰世事真奇妙

撰文:沈洛嘉
出版:更新:

近日ViuTV大熱劇《大叔的愛》由中佬黃德斌、MIRROR成員Anson Lo(盧瀚霆)、Edan(呂爵安)主演,一眾演員再度入屋之餘,再次令香港市民每晚都乖乖坐定定在電視機前等睇劇。

田田間屋原來同《逆流大叔》黃德斌間屋有關聯!(影片擷圖)

今日(6/7)作為編劇兼導演的陳詠燊,就在個人Facebook上分享《大叔的愛》和《逆流大叔》都有交集點,當然不單止有黃德斌的演出,而是在《逆流大叔》中黃德斌間屋,原來是《大叔的愛》中田田(呂爵安 飾)間屋,為同一間屋!

Anson Lo仲大大聲示威:「係啊!我哋同居!」(影片擷圖)
+7
編劇兼導演的陳詠燊一眼就睇出田田間屋。(網上擷圖)

陳詠燊寫下︰「如無認錯,《逆流大叔》中黃德斌間屋,同《大叔的愛》入面田田間屋,其實係同一間屋嚟。緣份嘅嘢真係殘忍,一個大叔愛上咗一個小鮮肉之後,發現自己心愛嘅小鮮肉,竟然同另一個小鮮肉住返喺佢以前嘅舊居度,實在太...劇情自己接,我已經亂到諗唔到...」

更有加上「話說三年前套戲宣傳嗰時日本版大叔的愛好Hit」、「有Media朋友提議拍條德斌同燦良的逆流大叔的愛短片嚟宣傳」、「最後冇錢所以冇拍到」、「點知德斌最後會自己拍咗」、「世事真係奇妙」、「我愛黃德斌」等Hashtag。如果當日真係拍埋這段「外傳」,相信套戲又會掀起另一高潮。

點擊睇更多對比圖:

+6
有觀眾留言一早認出間屋。(網上擷圖)
發表評論...