殺出個黃昏|林雪孖顏子菲上演激情床戲:俾大家睇大叔的浪漫

撰文:沈洛嘉
出版:更新:

由林家棟監製及編劇,謝賢(四哥)、馮寶寶(Bobo姐)、林雪、鍾雪瑩、顧定軒主演的港產片《殺出個黃昏》現已上映。故事講述田立秋(謝賢 飾)、蔡鳳(馮寶寶 飾)、葉一叢(林雪 飾)於60年代曾是讓人聞風喪膽的殺手組織,無奈時代蛻變,三人只好脫下戰衣,重歸平凡生活。當步入黃昏之年,被社會標籤為負資產,主題圍繞四哥周旋於馮寶寶、林雪兩個摯友之間,三人尋找存在價值。

田立秋(謝賢 飾)、蔡鳳(馮寶寶 飾)、葉一叢(林雪 飾)於60年代曾是讓人聞風喪膽的殺手組織,三人出生入死,是難能可貴的伙伴。(電影劇照)

主角之一的林雪在戲中罕有上演激烈愛情戲,他沾沾自喜:「我都係嚟跟四哥同Bobo姐學嘢,不過今次好難得我有條感情線,希望俾觀眾睇吓咩叫大叔的浪漫。」雪哥今次演出帶來一致好評,與顏子菲的感情線令觀眾笑聲四起,印象深刻。

今日(29/7)電影公司發布製作特輯,雪哥慨嘆遇上人生中最大敵人,他:「人生最大嘅敵人,就係孤獨。一孤獨就會做錯好X多嘢!」他更叫觀眾要從容面對:「千祈唔好孤獨,做人如果可以面對孤獨,然後戰勝孤獨嘅話,呢個X樣一定係天主嚟嘅。冇人做得到㗎!」

林雪跟顏子菲的感情線令觀眾笑聲四起。(電影劇照)

一向搞鬼的雪哥更大爆今次在《殺出個黃昏》的角色仿如度身訂造,他笑言:「我平時生活嘅角色同戲中嘅角色一樣,但係仲慘過佢,個角色至少有架車揸下。現實生活我連車牌都冇。」他更首度分享愛情觀,原來他仍有一夥求愛的心:「我覺得呢個世界上,愛係最偉大嘅,無論係咩愛,只要你愛,就會令你得到心靈上嘅滿足。我因為愛,唔見過好多野。你得到心靈上嘅安慰嘅話,物質上就由佢啦,好多野都買唔返,唔好臨老先後悔,做人一定要殺出個黃昏!」

點擊睇更多:

+3
你可能感興趣