#PTGF出租女友｜娜美首演戲被讚勁開心 直言接戲後IG粉絲暴升
撰文：沈洛嘉
出版：更新：
有份演出話題性港產片《#PTGF出租女友》的KOL娜美（秦楚瀅）今晚（21/9）出席首映，原來今次是好首次拍戲，相信有睇戲的觀眾都會為此而驚訝。
娜美表示拍戲期間得到「前輩」恆仔同阿平好大的幫助。（陳順禎 攝）
娜美表示：「今次第一次拍，自己本身唔係讀電影，又冇做演員經驗，其實戲中有好多情感方面嘅戲需要去處理，自己都有做功課，好似喊戲咁，特登上網睇下有咩方法，諗唔開心嘅嘢或者等對眼乾晒等等，不過我最終都係將自己投入晒喺角色入面。」
娜美直言自己NG較少，一來時間趕，冇時間可以俾自己NG。（陳順禎 攝）
其實在娜美接受訪問前，趙善恆（恆仔）大讚娜美在名店買袋一幕演得相當之好，娜美笑言：「角色同自己性格本身似，已經係最大嘅幫助，自己都好畀心機去揣摩角色，當時一接到角色我寫咗好多關於呢個人物嘅故事，由自己去豐富個人物。」
娜美在戲中都有床戲、親熱鏡頭，她回應：「一開始都有少少擔心，當然導演都好好，俾好多空間我哋去溝通。」
娜美知道自己經驗少，決定會去上堂增值自己。（陳順禎 攝）
作為KOL的娜美表示接戲後，IG追蹤人數暴升，她直言非常開心，接下來會想繼續增值自己，做KOL已經9年，希望想有躍進的空間，去展現另一個自己，都知道可以演戲的機會好難得，嘗試努力轉型。
娜美接拍電影後，IG followers暴升令她感到相當開心。（陳順禎 攝）
+17