#PTGF出租女友|郭奕芯曾遇不明飯局:啱就點點點,啱即係點?

撰文:沈洛嘉
出版:更新:

郭奕芯(Ashina)在新片《#PTGF出租女友》為首位出場的PTGF「Ball Ball」,她形容「Ball Ball」為人現實、港女以及非常拜金,她:「佢知道自己優點係身材,每一次應付男人都着到好性感,從而喺佢哋身上攞多啲錢。」

郭奕芯的PTGF角色為人現實、港女以及非常拜金。(劇照)

Ashina自言最難忘在桌球室拍篤波戲,該場戲講到趙善恆、張家希(JonJon)和岑珈其打桌球,珈其致電叫Ashina到場晒命,Ashina就着超性感的大低胸窄身裙戲服亮相。但當時她因患上荷爾蒙失調,導致整個人很腫,而且劇情指她篤波好叻,但她本身不懂得打桌球但劇情指她篤波叻,要臨場即時練習,更要帶給觀眾對PTGF的首印象,因而在各種原因下令她感到壓力極大,她:「係驚自己做得唔夠好,好彩成件事順利。岑珈其之前有合作過,佢係我心目中嘅出色演員,好有綜藝感。同埋呢次係我第一次喺熒幕前講粗口對白。」

Ashina早前已跟岑珈其有合作過。(電影劇照)

疫情高峰拍戲攰到瞓教飄浮

提起荷爾蒙失調,Ashina苦笑說:「前排疫情留喺屋企,好想有嘢做又好悶,唯有係咁食嘢,新陳代謝好差,好腫又心情浮燥,最慘都係好想食嘢,係黐咗線,好似魔鬼係咁搞亂我,拍完《#PTGF》就睇中醫,飲中藥調理返,依家正常瘦返啲。」在開拍電影期間,正值疫情高峰,故比起一般港片拍攝更困難,Ashina說:「電影好少由夜晚開到第日下午,但幕後人員仲辛苦,永遠我哋舒舒服服埋位,拍完走先,佢哋執頭執尾,拍完篤波後再拍喺電話舖嘅戲,中間喺車度休息,第一次瞓到飄浮咗去,好誇張。」

Ashina拍性感戲較多。(劇照)

現實世界有PTGF為錢,亦有女明星入娛圈為吊金龜,特別係Ashina拍性感戲多,亦易被人標籤拜金、隨便,她則說:「有人咁認為並唔意外,俾人講唔係一件壞事。我拍戲比較性感,俾人覺得我思想行為open,真係身邊有啲朋友或者男仔話你拍三級片都會錫呀攬下,做呢啲行為都冇咩所謂,我覺得好唔尊重。」她認為最緊要努力做好自己的角色,「喺你更好嘅時候就冇嘢講,因為大部份人只在乎結果唔係過程。」

Ashina曾遇不明飯局籲唔好被呃。(劇照)

曾遇不明飯局籲唔好被呃

「Ball Ball」是拜金女,一切睇錢至上,娛樂圈亦一直流傳「女星飯局」,問及Ashina有否遇過?她直認有:「有架,又唔會講到好出面,我唔係好清楚係唔係,有啲嘢一問就好低檔次,朋友唱K食飯,有朋友派下利是我又唔覺得好特別事情。有人問過食飯幾多錢,但食飯有冇其他又唔會確實答到,叫你去咗先,如果啱就點點點,啱即係點?又答得唔清楚。我會睇邊個同我去,要睇場合係咪適當,feel到唔對路會走。」Ashina覺得「呢個世界冇咁便宜事情」,所以好多model都被呃,有女仔入世未深,被呃後亦沒有獲得演出機會,最緊要係靠自己實力及人際關係。

+5
你可能感興趣