梅艷芳|邵仲衡重演掌摑事件擔心敏感 「我都認識當時K房嘅人」

撰文:沈洛嘉
出版:更新:

由《寒戰》導演梁樂民執導、王丹妮、古天樂、林家棟、劉俊謙及廖子妤主演的香港天后梅艷芳傳記電影《梅艷芳》,順利衝破2,000萬港元,口碑極好。
戲中重現當年梅姐被掌摑的一幕,當中就由邵仲衡飾演郭老闆,為黑社會頭目,掌摑梅艷芳之人,原型為黃朗維。

王丹妮和廖子妤分別飾演梅艷芳和梅愛芳。(《梅艷芳》劇照)

邵仲衡接受《香港01》訪問,問及他會否因為在戲中扮大佬又掌摑「梅姐」,怕不怕敏感時,他直言:「都怕㗎,所以事前跟導演、編劇都有開會傾,始終都係江湖恩怨,雙方都有後人,都唔會話誰對誰錯,用尊重方式去演,會加少少娛樂性,大家心入面都係尊重。人在江湖,身不由己,我又同阿梅見過幾次面,拍戲就點到即止,交代番件事就OK。加上講到掌摑事件後佢去避風頭,成個人都變咗,做好多藝人以外嘅事,貢獻社會、做公益等等。」

邵仲衡、楊祐寧以及王丹妮重現梅艷芳被掌摑事件。(劇照)
+10

邵仲衡都有講到自己跟這事都有少少淵源,事關當年他畢業後做室內設計,認識當年酒吧入面的人。邵仲衡:「拍檔第2日同我講起呢件事,有問下到底發生甚麼事,都係話雙方紥行晒馬。我都有同導演講返知道嘅料,最主要都係要拍出那份震懾,同阿梅個轉捩點出嚟。」

最後講到拍攝掌摑王丹妮一幕時,邵仲衡表示:「唔係真打,借位嚟嘅,係用double位去拍。知道Louise係新人,驚佢唔識避,都有教佢要演到打中個下,如果我真係用力星落去,頭都甩啦!」

你可能感興趣