梅艷芳情迷碧咸03年飛英國睇波 粉絲爆︰做緊嘢都叫幫手錄低場波

撰文:沈洛嘉
出版:更新:

翻看一條香港電台特輯《不死傳奇—梅艷芳》,主持人Zimon邀請梅艷芳的好友以及一眾徒弟接受訪開,包括草蜢成員蘇志良、蔡一智和蔡一傑、許志安、何韻詩等人,訪問中講到梅艷芳偶像分別有3位,其中一位出現都可以令女強人梅姐即時變回小女孩,而且梅姐都有不少越洋過海的追星經驗!

一代巨星梅艷芳,舞台魅力非凡。(視覺中國)

梅艷芳第一位偶像正是日本藝人西城秀樹,問到草蜢覺得梅姐對西城秀樹有何感覺時,草蜢笑言:「小fans,真係見到面會震同流口水,即刻變咗個細路女,總知梅艷芳每次見到偶像西城秀樹嗰時,佢就係一個妹妹仔啦。」

梅艷芳十分喜歡日本藝人西城秀樹。(影片擷圖)
草蜢笑言梅姐見到西城秀樹就會變成妹妹仔一樣。(影片擷圖)

梅艷芳除了喜歡西城秀樹外,還有近藤真彥,兩人於1986年在第五屆新秀歌唱大賽中更合唱了日文版的《夢伴》,蔡一傑講到:「佢哋已經好熟,嗰時我哋已經有一齊去玩,就算喺日本時都會去唱KTV。」蘇志威補充:「嗰時見到近藤真彥係我哋手震啊!」

梅艷芳與近藤真彥的戀情發生在1985年,當時後者來香港開演唱會,兩人因此而認識。兩人在翌年演唱會再次相遇,便開始交往。(影片擷圖)
+4
萬人迷碧咸首度來港獻技。(Getty Images)
+30

以上兩位都是歌手,其實除了藝人以外,梅艷芳更情迷萬人迷男神球星碧咸。2003年,梅艷芳專程飛到英國睇碧咸比賽,片段中更可見到梅艷芳小女孩極興奮的一面,更會在後台等待碧咸出現。草蜢笑指:「唔止,佢屋企仲要擺個一比一嘅碧咸紙板公仔,食飯都要望住,要擺個紙板喺隨籮一齊食飯。」

《法國足球》球壇史上最佳右翼候選人:碧咸(David Beckham/英格蘭)(Getty Images)

梅姐鍾情碧咸之餘,更十分支持曼聯,梅姐粉絲大嚿就分享了一則跟梅姐的趣事,她:「有一次佢叫我幫佢錄波,當然係關於曼聯,8點令開波踢到10點鐘,因為佢要去上海做嘢唔得閒睇,我就幫錄波。當啲球員仲行緊返入去,佢已經打電話嚟問我場波比數,其實一聽到佢把聲已經成個人震晒,耳仔同臉都紅晒,成個人都唔知點算好。其實朋友係唔知我同邊個講電話,就話『收線啦,唔好阻住打麻雀』可能佢聽到就話『唔好意思呀,我唔阻你喇,係咁啦』,呢件事真係好有趣、好緊張。」

+6