金像獎2023|吳鎮宇頒影帝自嘲失落六次 望「青黃不接」先有機會

撰文:鄧穎琪
出版:更新:

《第四十一屆香港電影金像獎》今晚舉行,吳鎮宇擔任「最佳男主角」的頒獎嘉賓,演技早已備受肯定的他,以往曾六度入圍金像影帝,可惜每次都跟獎項擦身而過。今晚他頒獎時就說:「希望擦身而過嘅都有機會摸一摸呢個獎!」又妙語連珠,以冷笑話講電影圈青黃不接的現象。

金馬影帝吳鎮宇,以往曾六度角逐金像獎「最佳男主角」獎項,主演電影包括:《爆裂刑警》、《朱麗葉與梁山伯》、《無間道II》、《脫皮爸爸》、《逆流大叔》和《濁水漂流》,可惜每次都食白果,有幾次他去年即使獲得提名也未有到場。不過他今日就現身《第四十一屆香港電影金像獎》,擔任「最佳男主角」的頒獎嘉賓,他回應出爐影后鄭秀文說「夢想永遠畀沒有放棄、一直堅持嘅人」的一番話,指:「好感動!一個唔放棄夢想嘅Sammi,卒之攞到佢想要嘅嘢,所以我好多謝金像獎請我嚟頒最佳男主角獎,等我呢個曾經同呢個獎六度擦身而過嘅人,都有機會摸一摸呢個夢想!」

吳鎮宇擔任「最佳男主角」頒獎嘉賓,自嘲六次失落金像影帝,坦言終有機會摸下個獎。(電視截圖)

當他見到台上只有得獎名單的信封,未有獎座時,就問大會:「你哋係咪唔記得咗俾啲嘢我?唔係啩?」當拿起獎座後,他大笑幾聲,觀眾席即掌聲雷動,鎮宇再說:「等留返真係先啦……但好快喺我手上面嘅嘢就會俾人攞走,睇下邊個咁無情先。」聽起來都有點心酸。

吳鎮宇拿起金像影帝獎座,感嘆:「但好快喺我手上面嘅嘢就會俾人搶走……」(電視截圖)

講到電影圈青黃不接的情況,他笑說:「好多人都話我哋電影圈青黃不接,其實唔係呀,有幾個……阿東哥(麥沛東),我哋好需要你哋啲新力軍支持我哋,仲有導致『青黃不接』唔係因為你哋,係因為劉『青』雲同『黃』秋生繼續喺度接戲,只要佢哋『青』、『黃』不接戲,香港電影先有希望。」全場即笑爆並拍爛手掌,鎮宇指冇諗過這麼爛的笑話都有人笑。而到他宣佈劉青雲獲獎時,更笑稱:「仲有天理嘅!劉青雲,Honey!」

吳鎮宇頒發「最佳男主角」獎,入圍者包括張繼聰、劉青雲、黃秋生、麥沛東和楊偉倫,他以笑話方式講影圈「青黃不接」現象。(電視截圖)
吳鎮宇頒影帝予劉青雲,搞笑說:「仲有天理嘅!」但轉頭就叫他做「Honey」。(電視截圖)

《給十九歲的我》有沒有任何獎項?