《陰目偵信》絕密片出現紙紮ERROR 四個之中最神似竟然係肥仔
撰文：許育民
出版：更新：
由ERROR四子梁業（肥仔）、何啟華（Dee）、郭嘉駿（193）、吳保錡（Poki）主演的電影《陰目偵信》，現正上映。踏入上星第二周，電影公司開始發佈一些絕密片段及刪剪片段，其中原來有一幕會出現紙紮版ERROR，造型唔單止唔恐怖，仲相當趣緻，而四個之一最似肥仔。
片段一來，就見到阿葛飾演的「紙紮陳」在整紙紮傢具。（《陰目偵信》影片截圖）
肥仔投訴所有法器冇用，但原來係用錯方法。（《陰目偵信》影片截圖）
今次的絕密片段，講到肥仔在平安樓服妖時，所用的法器完全失效，於是去搵師傅「紙紮陳」（葛民輝 飾）投訴，話佢只顧賺錢冇良心。但原來問題唔係喺法器上，只係肥仔冇聽清楚用法。例如唇膏唔係塗自己個嘴，係塗落隻鬼度，而符水更加唔係灑地，係要直接灑落靈體處，原來全部用錯晒，難怪無效。
肥仔錯得好離譜。（《陰目偵信》影片截圖）
Dee哥細睇四隻紙紮版ERROR，眼前的正是本尊。（《陰目偵信》影片截圖）
陰目偵信｜保錡落力謝票10個觀眾照去 預告Dee哥現身︰爆爆場先
而當肥仔跟阿Dee行入舖頭時，就見到師傅喺度紮緊四個紙紮公仔，仲笑佢乜咁豪，平時都係兩個妹仔，阿葛先話佢唔識嘢︰「呢隊係ERROR，一個肥、一個高、一個矮、一個愣。」睇番四隻公仔近鏡，雖然紙製產品唔會還原到個樣，但一睇到認得出邊個打邊個，尤其肥仔，好少見紙紮公仔咁飽滿，最神似係佢。