荷里活廣場兇案｜職員睹行兇一刻嚇到匿埋 「腦海成日睇到條片」
撰文：翁鈺輝 林澤鋒
出版：更新：
鑽石山荷里活廣場昨日（2日）發生恐怖謀殺案，有精神病紀錄的39歲光頭漢在商場2樓家居店買刀後，在商場徘徊幾分鐘，即用刀殺死兩名陌生女子方曉彤（26歲）及劉繼禧（22歲）。根據CCTV片段顯示，兇案發生在一間化妝品店門外，今早記者到場了解情況，職員蔡小姐受訪時指昨晚在收銀處工作，見到兩名死者進店閒逛，並無購物，豈料二人離開時即遇襲，「兩個女人行出去就俾人斬」。蔡小姐目擊事件大驚，坦言：「唔敢睇，一見到佢斬人，我哋就匿埋咗，好驚。」她事後有看過整個行兇片段，心情大受影響，「腦海成日睇到條片，返去就諗到係咁插嗰條片，就好驚囉」，並指現時心情都「驚驚哋」，但暫時無須心理輔導。
化妝品店職員蔡小姐講述昨日事發情況。（翁鈺輝攝）
韓國食品店員黃小姐當時在收銀處收錢，突然見到有人躲避，故走出舖外查看，赫見兇徒拎刀追、「喺度插嗰個人」，故帶同2位店內客人進貨倉暫避，坦言「我噚晚瞓住都好驚」。由於店舖門較闊，加上要搬開店面物品，故當時未有落閘，只帶2位客人「匿埋」。
韓國食品店員黃小姐帶同2位店內客人進貨倉「匿埋」。（林澤鋒攝）
光頭漢行兇過程
+7
市民協助救援傷者
+2
警員到場制服及拘捕疑犯
案發後現場情況
+4
鑽石山荷里活廣場發生謀殺案，兩名女事主身份及傷勢？
兩名女事主分別22歲及26歲，分別胸口及頸部中刀傷，由救護車送往聯合醫院後，先後證實不治。
涉案兇器是什麼？在哪裡取得？
初步消息指，兇器疑為一把12吋長的魚生刀。現場所見，一把刀遺在現場，刀尖染血，刀身變形彎曲。有CCTV片段可見，疑兇進入一間生活用品店懷疑購買涉案利刀。
