【Matrix 4】奇洛李維斯造型曝光 網民︰拍緊《John Wick 4》?
撰文:沈洛嘉
出版:更新:
等了又等,等足18年終於可以睇到由男神奇洛李維斯(Keanu Reeves)主演的《廿二世紀殺人網絡4》(The Matrix 4),近日有影迷影到奇洛李維斯在三藩市開機拍攝,Neo的最新造型終於曝光,不過有網民反問:「係咪拍緊《殺神John Wick 4》咋?」
由於《廿二世紀殺人網絡4》以及《殺神John Wick 4》將會同日於2021年5月21日上映,看來是因為《殺神John Wick 4》要連戲的關係,Neo的造型都要遷就一下殺神,一改全黑長褸的形象,未知大家見到John Wick般的Neo有沒有驚喜呢?還是到時會不小心將John Wick代入到Neo當中,睇到人都精神錯亂呢?
據知《廿二世紀殺人網絡4》在三藩市唐人街的Doug Dalton進行拍攝,由照片可見,Neo穿上休閒的灰綠色的冷衫和外套、牛仔褲和戴上冷帽,從服裝造型上,有顯著改變,不過他則留下殺神John Wick最標誌性的長髮和鬍鬚。
有網民打趣地將兩部電影混為一談,互相交換副題變成《Martix 4 : John wick》或是《John Wick 4: Martix》,又有人直言「佢係咪以後都用呢個look?」、「有咩造型可言」、「到拍Marvel都係呢個look」、「佢拍到80歲都唔會變」、「Matrix 4用鉛筆殺人」等等,似乎對他的造型冇變略有不滿兼帶點失望。
點擊睇更多奇洛李維斯新相:
+11