新海誠班底畫出勁高質香港味廣告 網民轟蘇麗珊配音:差到嚇鬼

撰文:
最後更新日期:

昨日(5日)Nescafé雀巢咖啡公開全新動畫廣告,由日本電影新海誠班底的渡邉丞擔任背景畫師,跟其他動畫師一同操刀,將香港人最喜歡、最熟悉的景象,以動畫風格重新演繹,廣告一出,很多網民都紛紛留言指出廣告非常「高汁」(高質),完全是誠意之作,靚到想求動畫高清圖做wallpaper添!不過同時有不少網民指出美中不足的是配音十分奇怪,寫下︰「普通做人講句嘢都有感情啩?呢套嘢?無囉。」矛頭直指為動畫女主角配音的蘇麗珊。

一睇就勁有香港味!好熟悉!好貼地!(影片擷圖)

在短短2分鐘的動畫中,完全帶出了地道香港味,尤其是街景一幕,有齊香港特式的長斜路、路牌、紅的,以及「大同押」、「榮記五金」、「光頭理髮店」、「時代酒樓」等等霓虹燈牌,貼地得來又令人感到拉近了距離感。

唔肯過海趕交更的的士大叔勁貼地!(影片擷圖)

女主角在趕去面試的同時,遇到被的士拒載的男人、打算「上車」正在睇樓的小情侶、指示前方正在修路的指示員、正在恰眼瞓的議員大叔等等,全部問題都靠她轉贈的一罐咖啡,輕鬆解決問題。當中最令香港人感到身同感受的必定是拒載一事,一句︰「唔過海呀,唉,趕住交更呀」,即時引起不少網民的共鳴!

點擊睇更多勁靚香港:

+14
+14
+14

動畫中的女主角由蘇麗珊配音。(蘇麗珊IG)

不過網民認為整套動畫唯一美中不足之處就是配音「怪怪的」,有留言寫下「嚴重懷疑係直接搵冇聲優經驗嘅素人嚟配」、「嘩!啲配音差到嚇鬼, 累咗條咁靚嘅片」、「我純粹覺得好似讀書」等等,都有人留言「我又覺得OK收貨喎!嗰種淡淡然嘅口吻,好過懶有感情,逼你感動嗰隻咁乞人憎」、「香港人講嘢不嬲都hea hea地,呢點好傳神」等等。

而為女主角配音的蘇麗珊昨日都有分享該條動畫,寫下︰「好喜歡呢個故事,配音嘅時候,一路欣賞緊動畫畫風嘅香港,畫得好靚好靚。希望我地都可以一直好似主角咁少女,咁熱血,記住自己嘅初衷,同大家一齊做多少少,一齊行得更遠!」以及「Thank you我們都需要點正能量對不?」希望大家將重心放心畫功超靚的動畫上。

點擊睇更多蘇麗珊照片:

+3
+3
+3


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。