翻生爭霸戰|ERROR首日拍戲齋坐 193得罪過千年女鬼要即場叩頭

撰文:沈洛嘉
出版:更新:

搞鬼愛情電影《冥通銀行特約:翻生爭霸戰》由新加坡導演李國煌執導,黃又南、蘇麗珊、林曉峰、顧定軒和袁富華、ERROR等人主演,早前ERROR 4位成員,梁業(肥仔)、何啟華(DeeGor)、郭嘉駿(193)以及吳保錡(保錡)接受《香港01》訪問,分享首次拍電影的趣事,還有嚇人撞鬼經驗!

攝影:葉志明

ERROR在戲中飾演陰間攝製隊。(電影劇照)

首日拍攝白逗人工

是不是看到照片差點認不出是ERROR本人呢?其實戲中ERROR的特技妝都化了不短時間。193:「今次造型要封眉,印象最深刻是封到條眉生暗瘡,因為用了蠟幫我們封眉,而且清潔得唔好,現場卸一次妝好難完全卸好,最終發生了人生第一次條眉生暗瘡事件。」

其實條眉生暗瘡都未算誇張,更慘是ERROR首日開工,坐了一段時間化好妝後,然後足足坐了9小時就收工不用拍攝。第二日差一點就案件重演,同樣由夜晚開始化妝,然後又是等到落雨,去到凌晨5點多才真正停雨,只能快手趕在天光前拍完。

戲中這幕正是ERROR等了兩日,又要等停雨,又要趕天光前完成拍攝。(電影劇照)

原來ERROR首日去拍攝才知道要化成咁,ERROR:「一開始時真係唔知道,去到現場才知要化成這樣。」193更搞笑補充:「我們都有後悔冇收貴點片酬,化特技妝應該要貴點。」當然保錡都有出聲更正:「冇資格收貴啊,係機會來的啊!」

而在講到真正發生的靈異事件時,ERROR各人都有不同經驗。(葉志明 攝)

分享靈異事件

最近寶錡拍攝ViuTV節目《鬼同妳你上》,自言講到去傅聲閣時感到勁恐怖。「本來一入到去,有句旁白要講,但有種鬼掩口的感覺,我都有問過師父(七仙羽),其實不是每個人都會遇到靈異事件,亦都不是很容易就能上身,那次其實我已經好辛苦,而且極度頭暈。」

寶錡早前拍攝《鬼同妳你上》,都發生了不少靈異事件。(葉志明 攝)

思考了一段時間的寶錡再度分享。「有個女仔被上身,師父幫她驅鬼,雖然我都不知道是真還是假,但有一把聲音是那個女生正在叫,同時間又有另一把聲音跟她一起叫,完全呆了兼起雞皮,其實收音都聽到。如果有朋友真係想去靈探,就要小心點,因為都有機會會出事。」

肥仔最好笑話自己講嘅鬼故都係老作。(葉志明 攝)

反而肥仔所講的則極度好笑。「我就未試過這些經歷,所以每次公司叫我上有關鬼的節目,叫我分享鬼故我全部都是吹水、背稿、搞笑。」

阿Dee拍《花姐ERROR遊2》都試過有靈異經歷。(葉志明 攝)

阿Dee:「那時拍《花姐ERROR遊2》同花姐玩鬼屋,我好希望是節目劇組整蠱我,專登整怪聲來嚇我,那次我是聽到有把女性聲音尖叫,就似是被掐頸一樣。」

193自言靈探親都冇事、好安全,反而身邊的人都出晒事。(葉志明 攝)

而在一旁的193聽到靈探,表現得頗為興奮。「去靈探記得叫我,其實我是入行之後才發生撞鬼的事,一直都不是很信,拍《花姐ERROR遊1》跟寶錡去自殺森林,完全瀨嘢,自拍時正常只影得10張相,當時影了200多300張相,部機瘋狂閃,我們已經好驚。《花姐ERROR遊2》我自己去完靈探,跟我同房的所有人以及阿Dee都出事,全部被鬼壓,不過我自己好安全咩事都冇,仲要瘋狂去靈探。就算我去寶錡節目,玩過筆仙都完全冇事,真係好想試一次看看是甚麼感受。」

193曾經得罪千年女鬼仲要即場叩頭認錯。(葉志明 攝)

193得罪千年女鬼 即場叩頭

雖然193講到自己經常感受不到靈體,但都有再分享一件奇事,同樣是去到寶錡的節目作客。「我們先是去到一個地方,有一隻千年女鬼,一講起她即時落大雨,需要暫停拍攝,師父跟我說是我得罪了她,叫我要出來叩頭,一叩即時停雨,當然完全解釋不了,叩完幾秒就停雨了。(你做了甚麼事?)可能做得虧心事多。」阿Dee補充:「師父有講到那位千年姐姐本身就唔鍾意193,冇原因,可能是被靚仔傷害過,見到193時就覺得他會傷害她。」肥仔:「你都似經常傷害人的人啊!」

阿Dee 30歲生日開聲想食生日蛋糕,ERROR冇人肯買。(葉志明 攝)

ERROR當阿Dee無道 生日零表示

訪問當日剛好是阿Dee 30歲生日的第2日,問到他今年生日如何度過,他先是苦笑了一下,再說:「我生日在工作中度過,我已經事先講了一次,生日當天有工作,仲有問他們可唔可以買個蛋糕俾我?我真係有要求過,好刻意地講俾所有人聽,但他們真的好堅持自己的狀態,真係唔買!個個都只是『喂,生日快樂!』就完了。其實我覺得唔買蛋糕都唔算慘,我已經試過自己買蛋糕給自己。」不過ERROR最後都有在訪問中送出,蛋糕氣球補飛,阿Dee都講到希望香港快點好起來,回復正軌。

點擊睇更多ERROR靚相:

+8

Makeup:Circle Chong @ Annie G. Chan Makeup

Hair:Lydia Yung @ Chic Private I Salon

場地安排:Barry@巧鬆啲

場地:Kowloon Party Room

你可能感興趣