同班同學|麥芷誼IG貼地產牌疑轉行 「快29歲學多樣嘢充實自己」

撰文:
最後更新日期:

同廖子妤、郭奕芯一齊主演過《同班同學》的麥芷誼(Koyi),昨日(11日)IG貼出一張地產代理個人牌照,引起大家的疑問,麥芷誼係咪要轉行?不過麥芷誼很快便在IG上講明︰「不是不再演戲」更作好了隨時再做演員的打算。

麥芷誼在IG上傳一張地產代理個人牌照,引起轉行疑雲。(Koyi IG)

一直靠Part Time撐住

麥芷誼今日(12日)接受《香港01》訪問時表示:「其實自己上傳照片後都有收到好多認識與不認識朋友的訊息,他們紛紛都跟我說『加油』,給予我好多鼓勵。其實我唔係唔再演戲,只不過在機緣巧合之下,又加上今年的確冇咩戲拍。《Baby復仇記》宣傳完了後(約今年2月),自己都一直有返Part time,因為修讀Fashion Design關係,身邊都有不少朋友開舖,都在他們的店中做Part time。一次認識了朋友的好友,是位好有經驗的地產代理,於是抱住試下的心態去跟住佢學下點Sell樓,當時仍未考牌,之後先真係把心一橫考個牌。」

麥芷誼笑指張證拉闊咗佢塊面。(Koyi IG)

29歲前學多樣嘢

其後問及點決定真係要去考牌呢?麥芷誼笑言:「老實講由2月到而家都冇戲拍,雖然自己真心好鍾意演戲,但我同好多大眾唔太熟悉的『新演員』一樣,有同樣掙扎,試過好耐都冇工開。加上現時情況,我自己又不是那種鍾意坐定定的個性,過多幾個月都29歲了,想學多樣東西來充實自己。」

麥芷誼一次就成功考到「大牌」,除了有運之外,其實佢都好努力晚晚溫到凌晨3、4點先瞓覺。(Koyi IG)

狂做past paper順利Pass

麥芷誼更有講到其實在地產中,牌照有分「大牌」跟「細牌」,當然大牌較為難考,但就因為疫情的關係,很多「細牌」的課程和考試都開不成,索性去考「大牌」。按地產代理監管局網頁資料,「大牌」的持有人可以是獨資經營者、合夥人或參與地產代理業務的董事,亦可以以營業員身分為持牌地產代理從事地產代理工作。 而「細牌」的持有人只可作為持牌地產代理的營業員身分從事地產代理工作。

其後麥芷誼後充:「其實我用了一個多星期溫書,自己唔係高分,只是合格,不過都知道有好多人唔合格,我會話自己算好彩,有個好好的上司帶住自己,陪着我們一起溫書,真係有狂做past paper,晚晚溫到凌晨3、4點先瞓,希望之後都會有多方發展。」

+21
+21
+21


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。