盤點10套當年被鬧爛片後變神作 周星馳有兩套榜上有名

撰文:
最後更新日期:

回顧當年的電影,有不少在上映時期被觀眾嫌棄,直言「簡直是爛片!」睇戲同時更差點𠝹爛戲院張凳,以行動表示不滿。但今時今日,當中又有好多部被捧為神作,一睇再睇都睇唔厭。而在這10套入面,星爺周星馳就有兩套上榜喇!

周星馳主演的《賭聖》當年票房大收。(電影劇照)

有指當年《賭聖》票房大收,星爺提名第10屆香港電影金像獎最佳男主角,更因此而殿定笑匠地位,所以星爺十分信任導演劉鎮偉,後來才會一起拍《西遊記第壹佰零壹回之月光寶盒》以及《西遊記大結局之仙履奇緣》。

《西遊記》當年都俾人鬧到飛天。(電影劇照)

不過有指當年入場睇《西遊記》的觀眾睇到勁嬲,直頭嬲到搣爛張飛,鬧到飛天,加上《西遊記》本來放在新年賀歲檔上映,影迷諗住開開心心入場大笑一餐,但萬萬想不到套認真愛情作,又講前世今生等等,大失所望。

《回魂夜》當年都被批評為爛片。

其實劉鎮偉當年拍《西遊記》時,堅信電影會成功,誰知他與星爺都走得太前,大家都未接受到星爺玩認真,結果票房失利、口碑又差。隨後,劉鎮偉希望借《回魂夜》挽回名聲,所以憑信心在該戲中寫出影射自己的角色Leon,因為在戲中他被人誤會是個痴線佬,實則是個捉鬼大師。雖然當年他再搵星爺拍戲時,星爺對佢都有質疑,不過都抱着再試多次的心態去拍,可惜最終都是失敗告終,反而是近年有不少影迷會講起當中的經典對白或場面,例如:「俄羅斯練膽大法」、「大佬啊!你唔好咁癡線啦!」、「最緊要揸緊個信念,鬼都奈你唔何呀!」等等。

點擊睇10套「爛片」變神作電影:

+21
+21
+21


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。