杜琪峯要重拍《PTU》都唔揀楊明 「冇睇無綫成廿年唔知佢咩樣」

撰文:沈洛嘉
出版:更新:

昨晚香港電台播出新一集《鏗鏘說》,以登「峯」造極為題,由蘇玉華訪問大導演杜琪峯(杜Sir),大談他這些年的電影人生、對於一眾年輕人想加入導演行列的冀望、以至於「香港電影業」已死,他都一一有所發表,直言自己是「橡皮蝨乸」即撳極唔死,又寄語做電影嘅年輕人一定要做落去,要聰明地做,唔做即等於投降。

著名導演杜琪峯執導超過五十套電影,憑《鎗火》、《PTU》、《黑社會》三奪香港金像獎最佳導演。(影片擷圖)

杜琪峯在訪問開初時,笑言對自己的名字感到滿意、不錯,沒有太大要求自己要做些甚麼,不似「國強」一樣,要令國家強大是很難的事,覺得自己名字溫馴,不過笑言:「當然我個人唔係啦。」

杜琪峯笑言自己名字溫馴,不似「國強」一樣,要令國家強大是很難的事。(影片擷圖)

杜琪峯拍戲不單只注重票房

對於票房,杜琪峯似乎不如外界般一樣極力重視。「票房高,高完就會有第個高過你,成日都會有呢啲咁嘅嘢,會變成好商業嘅計算,你問我而家點樣做部賀歲片收錢嘅,我可以即刻計到俾你睇,我唔係講笑,出年拍一部收錢嘅賀歲片好容易,但嗰個唔係我再行嘅路嚟,應該要俾某啲人去做。亦好似我當年講就算唔係杜琪峯拍《審死官》、《阿郎的故事》都會大收,第個做都得,但有啲嘢第個做唔得喎,係要嗰個人做先得,呢種追求唔係睇你收幾錢,睇完之後對電影人或一般人嘅影響有幾大。」

杜Sir直指講「香港電影已死」的說法是廢話,自言20多年前已聽過該說法。(影片擷圖)
杜Sir直言唔知楊明係邊個。(影片擷圖)

《重拍PTU》楊明、王喜點樣揀?

訪問中段提到2003年由杜琪峯執導、任達華、邵美琪、林雪和黃卓玲等人有份主演的《PTU》,問到如果今時今日重拍《PTU》,杜琪峯要在楊明和王喜當中二選一會的話會怎樣揀呢?杜琪峯:「我唔識佢(楊明),未見過佢個樣,都唔知咩樣,因為我冇睇無綫成廿年。王喜呢我就知道佢係邊個,至少咁嘅年紀,我覺得佢都仲可以做到PTU,再老啲就唔得架喇。」

另一邊廂蘇玉華揀了楊明,但原來背後有特別原因:「我唔係諗住搵佢做警察,或者唔係做PTU,我係諗住搵佢做機舖打機嗰個小混混,我覺得佢應該幾入形入格。」

+1
蘇玉華會揀鄭若驊拍女性電影,原因係「我諗有場戲應該係會拍佢去打疫苗。」(影片擷圖)

開拍女性電影,張竹君、鄭若驊又點揀?

至於再問到如果要拍一套女性電影,在張竹君和鄭若驊當中又會揀誰呢?杜琪峯:「大部分人都會想拍B(鄭若驊)嘅,我為咗平衡返唯有揀A(張竹君)啦,A嘅原因係我哋需要多啲正能量,幾懷緬返以前嘅香港官員囉,佢有嗰個特質。」蘇玉華繼續跟杜琪峯有不同意見:「講真兩個都唔係素人,成日都見,不過你要我揀我就揀鄭若驊啦,因為我覺得佢形象比較百變,我諗有場戲應該係會拍佢去打疫苗。」

同場加映︰鏗鏘說|杜琪峯諷某人拍戲只為賺錢 斥「香港電影已死」係廢話

杜Sir寄語:

+10
你可能感興趣