請做個有公德心狗主！有私家車司機於網上發文公審1名女狗主，於佐敦柯士甸道近覺士道行人過路處過馬路時，任由小狗於馬路中心大便，形成糞路後未有清理拾走糞便，就順勢拉着小狗離開，導致他駛過該段路時，私家車「沙板裙腳」（車輪上方的車身覆蓋件）黏滿小狗糞便。

網民紛紛批評，「又係呢啲不負責任嘅狗主」、「嗱嗱聲執返啲屎其實有幾難？就係有呢啲狗主影衰晒正常嘅」、「就係呢啲人冇公德心影衰晒，響佢咹啦，家陣唔使執咩」、「真係要公審，咁多人望住點做到咁X厚臉皮，利申有養狗」。

佐敦女狗主任小狗馬路中心大便

該私家車司機於Threads發文及發行車紀錄儀（車cam）影片，事發於8月22日下午近6時，他於佐敦柯士甸道近覺士道燈位停下，1名穿粉紅色上衣的女狗主拖着小狗過馬路時，小狗突然於馬路中心大便，女狗主讓小狗繼續大便完，形成糞路，當時有不少途人在旁走過，幸未有踩中狗糞。

隨後女狗主竟未有清理拾走糞便就拉着小狗離開，引來行人路上兩名黑衣女途人注視，而私家車在轉綠燈後往前駛。

女狗主未清理執拾離去　私家車司機慘呻：沙板都係屎

私家車司機於帖文怒斥女狗主無公德心，無奈道「已經盡量低（避）開少少，但都中，成個沙板裙腳都係屎」。

盡量避開都中，成個沙板裙腳都係屎

呢啲狗主唔清理真係黐線

網民怒斥：呢啲X街搞到其他正常狗主同狗俾人仇囉

網民留言斥責女狗主，「呢啲狗主真係黐線，周街屙完屎唔清理」、「就係呢啲X街搞到其他正常狗主同狗俾人仇囉」，指出「之後好多行人中招」、「即時落車叫佢抹走啲屎會好啲」、「應該開車窗XX個不負責任的狗主！」。

之後好多行人中招

有網民問道，「其實啲狗屙緊屎嗰陣，唔可以拉前佢幾步嘅咩？見好多都係見佢屙就由佢屙」，有網民就解釋「呢個的確唔係好得，會嚇到縮返入X眼，其實執屎只需幾秒，位狗主的確好差」。

有網民就建議司機如何避開糞便，「即刻打燈入覺士道走一樣」、「Cut線轉左，下街再轉返出嚟」、「打死火燈好過，車底要洗車好麻煩」。

狗主未清理執拾糞便離去有什麼刑罰？

根據香港法例第132BK章《公眾潔淨及防止妨擾規例》第13條「防止犬隻糞便或尿液弄污街道」，負責看管任何犬隻的人，不得容許該犬隻在建築物的公用部分、街道上或公眾地方內大便；或在建築物的公用部分小便，但如在一處撥作犬隻用的廁所的地方大小便，則不在此限。

任何人容許該犬隻在建築物的公用部分、街道上或公眾地方內大便，即屬犯罪，首次定罪可處第3級罰款（1萬港元）；及其後每次定罪可處第4級罰款（2.5萬港元）。

任何人容許該犬隻在建築物的公用部分小便，即屬犯罪，如屬首次定罪，可處第2級罰款（5,000港元）；及如屬第二次或其後再度定罪，可處第3級罰款（1萬港元）。

而負責看管該犬隻的人在離開有關糞便或尿液的所在地點前，先行將有關糞便或尿液清除並清潔該地方，則並不違反本條的規定。

（Threads@lok1010）