旺角模型工具店「富聯原料」12.8光榮結業 模型迷嘆又少一間老店
【結業潮/旺角/模型店】紮根旺角30年、售賣模型原材料及工具的富聯原料有限公司近日發出公告指,將於12月8日正式光榮結業,即日起全部貨品7折起發售,感謝客人30年來的支持。消息傳開後,大批網民留言表示可惜,讚揚老闆待客友善,感嘆本港購買模型工具的店舖又少一間,又指「富聯真係一直陪住我咁多年砌模型。」
富聯原料有限公司位於皆旺商業大廈的樓上舖,由1996年成立至今已經營約30年,在模型工具店中已屬「老店」,不過有網民日前在社交平台發布結業公告。
即日起全部貨品7折起發售 網民感嘆又少一間模型工具店
公告指,感謝顧客30年來的支持,將於12月8日正式光榮結業,由即日起全部貨品7折起發售。有不少模型迷在社交平台留言表示可惜,讚揚老闆待客友善,感嘆本港購買模型工具的店舖又少一間,更有其他模型店留言尊稱為「前輩」。
網民︰老細開場白一定係慢慢睇要乜嘢出聲
又一位前輩要光榮結業了!!大家記得要上去睇睇,富聯真係一直陪住我咁多年砌模型。
富聯舖頭細細,擺啲貨整齊乾淨,每次入到去老細開場白一定係,慢慢睇要乜嘢出聲,就算你唔買嘢,有時去係欣賞下Ray Ng(本地知名模型玩家)傑作,佢都唔會用攪攪震無幫襯眼神望住你,真係可惜。
好耐無去,但我記得老闆好人,唔識用嘅工具,你問佢一定會答你。
根據富聯原料有限公司的官網資料,公司於1996年成立,專營各國優質製模原材料及模型工具,應用於製模、產品玩具設計、手辦模型、工藝、DIY、特技化妝、藝術教室、學校、展覽會、電影等等。