陳豪聲帶問題專演反派 《晚9朝5》有露股《金枝2》色誘曾志偉

撰文:沈洛嘉
出版:更新:

有「師奶殺手」之稱的視帝陳豪近日在TVB電視劇《殺手》中飾演Zero一角,觀眾又可以晚晚見到他,其實除了劇之外,陳豪都拍過不少電影,他演出的首部電影更是三級片《晚9朝5》,同片主演有陳小春、張睿羚、周嘉玲、白嘉倩等人,其後他更有在訪問中提及「其實自己接受唔到露股!」

陳豪在戲中一如既往咁型!(《殺手》劇照)

首部三級片就演渣男

陳豪憑出眾的外貌20歲在澳洲投身模特兒行列,1994年回流香港首次入行拍戲,首部電影已經三級片,當中不乏性愛、裸露的畫面,陳豪更跟張睿羚有連場激戰,但其實陳豪在戲中本身有女朋友,但就在酒吧認識了張睿羚後,再帶她回自己的愛巢夜夜開心,的確有點渣。
多年後陳豪在接受訪問時提及《晚9朝5》,自己本來是想做模特兒,但有人叫佢拍戲就又試試「反正都係easy money, why not?自己一直都冇發明星、演員夢,完全冇諗過要做演員。)

1994年的陳豪勁青春,當時他才23歲,接拍首部三級片電影《朝9晚5》。(影片擷圖)

事關陳豪在拍攝《晚9朝5》有不少裸露畫面,更多的是露股,他更笑言:「成部戲有得震冇得瞓,新人啊嘛冇計,你第一次做戲又唔知做乜。導演叫你做咩咪做咩,相信是入行以來最激烈的一部戲」。後來提及他在戲中要露股,誤以為是他所能接受的尺度時,他激動說:「唔係!露股我接受唔到!哈哈,我係個啲表面開放,內裡保守。」

事後他再補充因為當時誤接《晚9朝5》三級片,只能夠硬住頭皮去拍,不過導演都有嫌他不夠放,會在後面用手推自己,幫他完成想要拍出來的畫面,因為當時真係唔識又冇經驗。

陳豪自言接戲後才知拍三級片,整個腦子都係「弊傢伙!死喇死喇!三級片?上錯船喇…」(影片擷圖)

點擊睇更多陳豪激烈戲份:

+10

點擊睇埋其餘4套陳豪演賤男:

+15
陳豪因聲帶有瘜肉以致聲沙,所拍的角色都不是太討好。(電影劇照)

其實陳豪當年因聲帶有瘜肉,所以令到他聲沙,接到的都是歹角或不討喜的人物,後來他接受手術後,變返靚聲王,靚仔又有型仲有把靚聲,坐穩師奶殺手地位,其後接拍《點對點》,紅起後終於在電影世界坐正做男主角,兼做返正常角色。