TransLantau 140｜張敏怡近22小時完成129公里 奪女子組亞軍
香港越野跑賽TransLantau（飛越大嶼）重頭戲「TransLantau 140」在昨晚（10日）10時梅窩起步，經歷接近一日時間後，「香港女一」張敏怡以近22小時衝線，完成129公里賽事，並奪得女子組的亞軍。
TransLantau 140受颱風及暴雨影響，部分山徑因山泥傾瀉封閉，原定140公里的賽事縮短至129公里。
張敏怡今年9月出戰UTMB，以全場第17名完成賽事，創下香港女跑子歷來最佳的成績，敏怡今星期出戰TransLantau 140的賽事。
內地好手向付召今次亦有參賽，這名曾贏得UTMB女子殿軍的跑手，今次賽事完美展示自己的越野跑實力，全場一直留守前列，與一眾男子跑手並駕齊驅，最終以18小時16分27秒衝線，除了奪得女子組冠軍，同時是全場第5名衝線的選手。
TransLantau｜「怪獸」曾福祥50公里摘季 負傷上陣衝線感觸落淚
張敏怡一直保持自己的節奏，中段起一直留守第12位，最終在今晚8點左右衝線，以21小時55分59秒完成賽事，即使與向付召相差超過3個半小時，這名「香港女一」仍然獲得女子組亞軍，亦是全場第12名完成129公里的選手。
張敏怡專訪1｜香港越野跑女一挑戰UTMB 尋找跑山快與樂的平衡
張敏怡賽後說：「今次很多謝大家嘅支持，我覺得唔係跑得好好，係好慢……今次係有少少underperform（表現未如預期）。」
「我中間有段時間好眼瞓同好肚餓，全身都冇力，就算keep住食gel（能量啫喱）都唔係好有效，最尾到咗一個CP（檢查站），我真係坐低咗，狂食澱粉先至補得返。」
張敏怡在周五晚上起步，她表示滿意半夜由芝麻灣跑經大東山、鳳凰山到昂坪的速度，接着跑往狗嶺涌，在周六早上去到大澳，經東澳古道及昂坪棧道再上昂坪。她說：「第二轉去昂坪就慢咗好多，因為東澳古道唔係好跑得郁，好慢呀，嗰度開始血糖低，所以我下次比賽前幾日要食多啲嘢先得。」
她在周六中午落到水口，完成了接近90公里賽道，在下午跑到東涌，上黃龍坑郊遊徑，黃昏時分落到白芒，最後攀過老虎頭，入夜後落愉景灣回到梅窩的終點衝線。她說：「每次去到CP，大家都好支持我。期間遇到跑50K的跑手，我要過佢哋嘅時候，佢哋認得我都會即刻畀我行，同我講加油。」
張敏怡說：「我剩係安排咗一個CP有support（支援），但其他CP見到識嘅人，佢哋都會幫我，所以我覺得好感動。」
「我真係想講，如果冇咗佢哋，我可能跑唔完呢場比賽，真係好鬼辛苦！」