林峯獨自留港迎42歲生日 靠視像見囡囡︰佢學識講「嗲哋叻叻」

撰文:沈洛嘉
出版:更新:

電影《九龍城寨.圍城》今早(30/11)進行開鏡活動,出席演員包括有古天樂、洪金寶、任賢齊、林峯、劉俊謙、黃德斌、胡子彤、伍允龍、張文傑等人,當中林峯自2019年的《P風暴》後就未有作品,今次回港再度跟古天樂攜手合作,要跟太太張韾月和囡囡暫別。

任賢齊表示今次造型好大驚喜,見到會嘩一聲!(葉志明 攝)

電影改編自同名漫畫,先問到有冇留意過漫畫版,任賢齊回應:「我當然有,《古惑仔》、《龍虎門》、《風雲》,九龍城寨是我當時一來香港就想去看的地方,但那時已經拆了,傳說它是個很奇妙的地方,三不管的地方,又像貧民窟,有很多人在這裡用自己的方式求生存,所以它有自己的遊戲規則,所以蠻精彩的。」

經過一連串訓練後,林峯的確黑實了很多。(葉志明 攝)

再講到戲中跟誰最多對手戲時,兩人直言其實大家都好多,任賢齊:「我覺得今次林峯最辛苦,佢付出好多,要知道林峯係個種風流倜儻嘅公子哥兒,見到佢個陣『咁man嘅!黑黑實實』訓練個陣就好似見到個武打明星咁,咁勁嘅!不過我演長輩嘛,我哋全部人都要打佢,都好期待佢嘅表現,真係耳目一新。」

林峯笑言:「我由頭到尾都要俾人打,今次武指度咗好多好多動作俾我哋,事前又拍低晒好多片俾我哋聽,我哋都『嘩!真係咁啊?』所以都要多啲時間去訓練,其實都準備咗一個多月時間去訓練,希望到時可以拍返出嚟。」

任賢齊爆林峯已準備好六嚿腹肌,但林峯則表示:「有,但唔一定要曬(出嚟)!」(葉志明 攝)

而面對今次龐大嘅演員陣容,林峯:「首先好多謝古仔,係佢俾機會我哋挑戰下自己,一套以武打為主嘅電影,對我哋嚟講絕對係個挑戰,拍完大家應該都算半個動作演員。」

即將迎來42歲生日的林峯表示今年冇辦法同屋企人慶祝:「我都有同小齊講,呢個真係演員嘅痛苦,因為分隔兩地,我太太同囡囡都喺內地,每一日最大嘅動力就係同屋企、小朋友打個電話,第二日繼續(拍)打(戲)。(老婆同囡囡有冇叫你要小心啲?)有,囡囡啱啱學識『嗲哋叻叻』(同時舉起拇指)咁樣。」

+7
你可能感興趣