單對單|江美儀與吳君祥由分手變離婚 自揭真相:我哋身份有距離

撰文:黃欣華
出版:更新:

由黎芷珊主持的節目《單對單》最後一集就請來江美儀及黎瑞恩,與大家分享如何好好享受一個人的快樂。江美儀與吳君如胞弟吳君祥拍拖11年,可惜在2018年二人被爆已分手兩年,其後對方爸爸夏春秋爆出二人早於2006在西雅圖註冊結婚,由分手變離婚。節目中,江美儀繼《東張西望》和《Mean Talk 》後再次剖白離婚真相。

江美儀曾與前夫吳君如細路吳君祥愛情長跑11年。(資料圖片)
二人結婚記錄。(東張西望截圖)

健談率直的江美儀,指離婚真相是因為大家步伐不同:「佢都好大壓力。佢係某某個仔、某某嘅細佬、同邊個邊個嘅男友,佢永遠冇一個好清晰嘅身份。」美儀又謂因工作關係,經常不能陪前夫外出應酬,以致前夫要聽閒言:「可能好小(好似冇乜嘢)嘅一句說話,我覺得佢聽咗會覺得好似我哋身份有距離。」

美儀感嘆與前夫步伐不一致。
她指感覺前夫對朋友最好,所以提議二人回復朋友身份,免卻壓力。

一個愛熱鬧、愛朋友,一個想愛得浪漫一點,加上生活習慣不協調,令美儀覺得不開心與日俱增,就算雙方曾嘗試挽回,也因步伐差異未能成事:「我見佢冇乜特別行動想箍煲,或者我要求高,我希望佢呢樣嗰樣,可能佢做咗我唔覺,或者唔係我想要嘅,佢有講過話我想佢做嘅嘢佢做唔到。」美儀又指提出回復朋友身份的契機,是前夫到了內地工作後,她發現一個人都可以很開心和自由。「(關係長咗係咪老奉咗?)佢有驚喜嘅,有搵我朋友搞驚喜派對,但我唔係想要呢啲。我想兩個人燭光晚餐,真係頂唔順!」坦言有感到受傷的美儀,對於該段關係卻沒有遺憾:「愛過咪得咯。」

美儀不介意給予另一半很大自由度:「你綁住佢Check住佢冇用架!佢要走咪由佢走咯。」

縱然受過情傷,江美儀不排除會再尋覓另一半,只是不會再同居:「有鼻鼾點算?又要重新適應過,好似好煩咁。」

+23

同場加映:離巢藝人近況一個比一個好 黃德斌事業迎第二春麥長青退股和牛店

點撃下圖睇藝人近況!

+18
發表評論...