減肥|朱薰減24磅全靠陳倩揚減醣餐單 狂飲水加4類食物輕鬆飽肚

撰文:鄧穎琪
出版:更新:

電台DJ朱薰本身已是一仔一女之母,雖然望落不至於肥,但身形始終跟「做女」時期有別。日前她就在社交平台大晒減肥成果,原來她跟陳倩揚的方法減醣,成功減去24磅,連容祖兒都大讚她:「索呀!」朱薰亦毫不吝嗇,連發兩篇千字文分享自己的瘦身貼士和餐單。

朱薰最近在社交平台貼了一張5月尾時的全身相,她指當時剛完成瘦身大計的首個階段,減去15磅,望上去相當Fit!不過,朱薰再表示,其實之後仍有繼續減肥,最終在半年間成功輕了24磅,笑言:「我覺得叫做對得住鄉親父老。」因此決定撰長文與網友分享減肥心得。

朱薰指,圖中的牛仔褲已很久沒穿,因之前未減肥,穿起來很窄,但減肥2個月後已穿得下了。(Instagram:chufune)

朱薰坦言很感激大家讚她瘦,但自己的身型與瘦仍有距離,她說:「好多網友叫我分享餐單,好想呀!只不過初頭食嘅時候,唔知自己有冇成效,所以想有啲成績先分享,食到而家我差不多完成了。」減去24磅後,她認為已是有所交代,是時候分享。朱薰之所以瘦身成功,除了因為受一位好友啟發,見對方靠減醣瘦了30磅而展開減肥之路外,原來要多謝前港姐陳倩揚!

陳倩揚生完第二胎後,體重高峰期達135磅,其後憑減醣餐單降至110磅,並且不反彈。(《香港01》資料圖片,陳倩揚提供)

陳倩揚減醣3個月減25磅

陳倩揚減醣瘦身出晒名,她在3個月內減去25磅,其後又幫老公減20磅,標榜的正是「飽住減肥」,倩揚多次與傳媒分享瘦身食譜和餐單,不但在facebook開設「你得我得行動組」群組,與一眾網民齊齊減肥互相勉勵,更在今年書展推出減醣工具書《健康輕鬆飽住瘦——低醣飲食生活提案》。原來朱薰都是倩揚的支持者,她感謝倩揚設計餐單,並且無私與大眾分享,朱薰跟大部分網民一樣,都是從facebook群組爬文睇減肥資訊,受其他個案所激勵,讓她深深領略到:「只要唔放棄,一定得㗎!我得你都得!」

今年書展,陳倩揚推出低醣減肥書籍《健康輕鬆飽住瘦——低醣飲食生活提案》。(Instagram:chansinyeung)

減醣即少食澱粉質和糖

朱薰減肥的大方向就是減醣,即是少食澱粉質和糖,但並非完全戒掉。朱薰指餐單沒有指定每餐必需吃什麼,只要符合某個類別就可,揀啱食物、計好分量,即好自由安排餐單食物。

朱薰今年初貼了一張邊食晚飯、邊幫仔女對功課的照片,見到她的晚餐也比較清淡,有湯、三文魚、椰菜花、提子等,但當時她尚未開始減肥。(Instagram:chufune)

朱薰出Post後引來極大迴響,有好友就叫她貼出舊相對比,因此她就分享年初拍攝ViuTV節目《中女唔易做》的電視截圖,她說:「今年三月時拍中女節目,就係我啱啱開始食倩揚餐單嘅時候,初初開始係未見成效嘅,你哋睇到啦,連頸都冇埋。」

朱薰3月初為ViuTV拍攝《中女唔易做》,她指當時開始減肥,肥到「連頸都冇埋」。(Instagram:chufune)

餐單人性化每周有Open day

朱薰之所以能堅持減肥,是因為這餐單對她來說並不辛苦,較人性化,她坦言若減肥減到每餐都吃不飽,又或者只能吃淡而無味的食物,根本難以堅持。朱薰表示:「我喜歡呢個餐單因為佢夠人性化,唔係要捱餓、乜都唔食得嗰隻,每個星期Open day,想食乜嘢可以嗰日食(重點:放鬆但係不放縱),而每8個星期(稱之為一個cycle),又有兩星期open week,我覺得係比較friendly、唔算辛苦嘅!」

請按下圖睇朱薰的減肥4大類食物及餐單:

+9

如上文所講,餐單每8周為一個循環,建議試3個階段,而當中每階段都有少許分別,她有機會會再分享。朱薰亦提到家中的工人姐姐Ana也功不可沒,每天要勞煩Ana按餐單需求煮菜,幸好對方也愈來愈熟悉,逐漸都成為這個餐單的專家。

在外用膳 彈性調節

有網民就疑問,家中未必有人能幫手備飯,外出用餐通常都很難減醣,朱薰指一切都事在人為,分享自己拍攝期的用餐經驗,例如叫了一客黑椒雞肉鐵板飯,她會加份菜,並將飯轉配成薯蓉,因為薯蓉符合餐單所講的「原形澱粉質」,「唔知個薯蓉有冇落牛油嗰啲嘅,咁一般調味ok唔會死嘅,好驚咪食一半囉,食食下我食咗大半,好味~亦夠晒飽!️」另一次,她去泰國餐館用膳,就食海南雞飯走飯、加碟炒雜菜,朱薰由衷忠告:「餐單唔係咁死,最緊要你明咗個理論,就可以自由揀,有時食多食少咗啲咩,唔會死嘅,輕鬆減,唔好俾太大壓力自己,咁先持續到落去!」

朱薰減肥期間要拍攝,不方便帶飯,她就分享自己的小貼士,如將黑椒雞肉飯轉成薯菜,另外,圖中右方的粉紅色大水樽也是她的好夥伴!(Instagram:chufune)

每日飲4公升水

上圖有一個粉紅色水樽,是朱薰減肥時必備的物品,她強調減醣餐單飲水是相當重要,「促進新陳代謝、幫你排走啲衰嘢,唔補返多啲水點掂!」她按方程式計算出,自己減肥時一日約需飲3公升水,因此一定要隨身帶備1公升水樽,每日斟3次水。她理解不是每個人都喜歡飲水,朱薰回答:「慢慢嚟,唔係叫你一啖隊晒1L,太急身體反而吸收唔切,只會好快去厠所直接喺下面岀返嚟。要養成呢個手勢,得閒就拎嚟飲幾啖,如果唔慣嘅建議用飲管啜啜下,啜下一啖啜下一啖易飲啲,身體吸收又容易啲,我而家一日差不多飲到4L!」

她說自己減磅後連心情都變好,並誠懇地說道:「只要搵到舒服、適合自己嘅方法就得。唔係話只係不斷追求個瘦字,而係要追求個人開心!我想大家都可以得到呢個開心,所以問我咩我都會同你分享!只要我有時間!我會努力!你哋都要努力啊!」

請按下圖睇更多朱薰減肥前後的生活照:

+3

資料來源:朱薰Instagram