麥路人|郭富城訪問突然爆戲 「力數」楊千嬅︰好醜樣眼袋好大!

撰文:沈洛嘉
出版:更新:

由黃慶勳執導,郭富城、楊千嬅、張達明、萬梓良、鮑起靜、顧定軒等人主演的港產片《麥路人》,今日(9月17日)上映,城城憑該片獲得第4屆倫敦東亞電影節最佳男主角獎,而張達明更憑口水祥一角,奪得第39屆香港電影金像獎最佳男配角。近日一眾演員都有為新戲四出宣傳,日前就有網民瘋傳城城與千嬅為《東張西望》做的訪問片,事關片中城城竟大膽當面力踩楊千嬅︰「好醜樣!眼袋好大!」究竟發生咩事呢?

《麥路人》今日(17日)上映。(電影劇照)

千嬅挑戰淡妝演出

由於今次在《麥路人》中,每位演員的角色設定都非常鮮明,城城飾演一位金融才俊,犯事入獄後在大型連鎖食店寄居,楊千嬅則是一名過氣的酒廊駐唱歌手,雖然登台時會化上濃妝,但在其他戲份她都有大膽挑戰淡妝演出。而當中有一幕,她得知噩耗後想借酒消愁,又要強忍想喊的情緒,但最終未能成功只好放聲大哭,造就出這場「3秒落淚」的鏡頭,據知她在cut機後仍未能收回情緒,繼續爆喊。

楊千嬅自言為角色變肥同變醜。(電影劇照)

但就在訪問期間,城城突然當面「力讚」楊千嬅:「銀幕就係要睇到你隻眼袋,跌到落嚟啱數喇!嘩!楊千嬅好醜樣。」然後補充一句︰「啲觀眾話『楊千嬅眼袋你睇下幾大啊!嘩!個眼袋好大啊!你睇下佢,好似冇瞓覺咁,好殘啊!』」不過事後城城都有補充:「啱喇,就係要呢個狀態,你入嚟我哋呢個無家者之家,唔該你個樣,我就係唔要你(而家)呢隻(靚樣),唔要你咁亮麗。」

楊千嬅被城城狂話醜樣兼眼袋大。(TVBUSA影片擷圖)

其實在城城講到第一句︰「楊千嬅好醜樣」時,楊千嬅已經有點尷尬,來不及反應,但就在城城講到︰「楊千嬅眼袋幾大啊」時,楊千嬅終於反駁澄清:「唔係喎!我想同你講我係特登變肥同變醜喎!」再有點傷心補上一句:「你著到好靚演不到這個角色。」更笑指自己差點回不去以前的樣貌。其實千嬅都是為角色盡本份,希望帶出一份憔悴感覺去說服觀眾,絕對有專業操守。

點擊睇城城「勁讚」千嬅連環圖:

+7

《麥路人》劇照:

+6