港產片已死|合拍題材類近難吸觀眾 田啟文:一樣嘅話使乜睇你

撰文:沈洛嘉
出版:更新:

香港電台節目《視點31》昨日(9日)以「UA的離去 – 理想與現實;香港電影盛世?」為題,邀請到田啟文(田雞)、高志森、游學修@試當真、高先電影創辦人兼董事總經理曾麗芬接受訪問大談香港電影業生態。

田雞對於「香港電影業是否已死?」都有自己睇法。(影片擷圖)

80、90年代香港電影揚威海外,1991、1992年間一年出產的港產片可多達300部,鄭裕玲(Do Do姐)、吳君如可同時開拍9部戲,由盛世到目前大家都在討論「香港電影業是否已死?」,游學修跟蕭若元(蕭生)拍片隔空激辯,再加上近日服務香港市民36年的UA電影宣布結業,再次引起大眾市民熱議。

田雞講到「其實喺零嘅基礎裡面,如果我有改變,我咪唔係零囉。」言下之意,香港電影業有所改變的話仍然有希望。(影片擷圖)

香港電影要有所改變

對於這個話題,香港電影工作者總會會長田啟文表示:「佢哋剝花生咋嘛,講容乜易啫,邊個唔識講?如果用返以前嘅(標準),正如蕭生講『冇(重返輝煌時光的可能),係零』佢唔係講錯,我同意佢嘅講法,但係喺零嘅基礎裡面,如果我有改變,我咪唔係零囉。」

及後田雞補充在80年代時,港產片擁有傳統的東南亞及外埠市場,當年拍電影基本上有了組合,未拍已經賺錢,外埠已準備好資金買片,他笑言:「當年我手上同期拍緊3部戲都被人哋笑『得3部咋你?』我徒弟拍緊5部,反問我師傅使唔使幫你接2部俾你啊?」正如當年時常都會聽到鄭裕玲(Do Do姐)、吳君如同時拍攝9部戲,電影業就是這樣蓬勃。

田雞提出問題:「點解內地觀眾鍾意睇香港片?」(影片擷圖)

今時今日拍唔返《無間道》

到了90年代開始跟內地合拍電影,當中就需要配合規舉,色情內容、政治題材通通不能涉及,田雞笑言:「咁咪唔好拍呢啲囉,所以不斷拍警匪片。我相信我今日再攞《無間道》出嚟去合拍係唔拍得,『點可能警隊裡面有臥底啊?你咁樣中傷我哋。』電影係需要有矛盾,諗返轉頭,內地觀眾點解咁鍾意睇香港片?就係因為喺內地睇唔到(呢啲題材),冇咁暢所欲言,你而家拍緊同內地一樣嘅戲,我使乜睇香港電影啫?」

節目亦有訪問大導演杜琪峯:「電影藝術好講個人,唔得就係唔得,係得就點都撳你唔住。」他認為要先做好平台讓別人參與,「不要說沒有機會,這個世界一定有機會。」(影片擷圖)

最後田雞都有補充:「我哋唔好去記乜嘢叫香港電影,唔好有局限,一定要拍香港故仔,咁呢個先係香港電影,唔好咁諗,呢個係錯誤,我係一個香港人,我拍出嚟嘅電影就係香港電影啦!」

點擊睇田雞、杜琪峯、高志森言論:

+17
你可能感興趣