老鼠日光日白偷吃街市豆腐，這麼猖狂？有女生近日於屏山屏欣冷氣街市目擊，有老鼠爬上豆腐檔桌面偷吃豆腐，她1小時後再回去觀察，發現攤檔仍在售賣豆腐，質疑「唔知係咪反轉嚿豆腐繼續賣」，盼網民去街市買豆腐時要小心留意有否被老鼠咬過。

網民留言驚呼，「嘩搞唔掂，日光日白已經咁」、「原來喺街市買餸咁污糟」、「下次知道見到崩咗個角嘅豆腐就唔好買」。有網民指出，「其實你應該即刻通知間舖頭，叫佢將成批豆腐抌咗佢喎」、「應該1823，等食環過幾日先派人巡視同洗地，但係幫襯咗嘅人就慘了」。

該女生於Threads發文發片，見到街市1檔售賣丸子、麵餅、腐竹及豆腐等的攤檔有老鼠「光顧」，老鼠爬上放置豆腐的桌面，咬走切刀上1小塊豆腐大快朵頤，緊接再刨了一小口豆腐磚就趕緊逃離，該板豆腐多處有老鼠齒印。有網民認出拍攝地點為屏山屏欣冷氣街市。

屏欣街市驚現老鼠食豆腐　女生憂繼續賣

女生指出，「唔知間舖點處理，但1個鐘後返去見到塊豆腐係完整無缺冇爛，唔知係咪反轉嚿豆腐繼續賣，大家買呢啲豆腐嘅時候可以注意下」，直言「雖然的確係幾得意，但呢啲街市老鼠真係好污糟」。她又說，在同1街市另1間攤檔「見到曱甴」。

唔知間舖點處理，唔知係咪反轉嚿豆腐繼續賣

網民：鼠鼠好得意，但真係好唔衛生

不少網民錯重點大讚老鼠進食的模樣可愛，「老鼠嚟講，佢個樣都幾得意，眼仔碌碌咁」、「點解豆腐在牠手上，是可以揸住，還可以一啖一啖慢慢食」，笑言「試食專員，品質保證」、「估唔到而家連老鼠都追求健康」、「補充返啲蛋白質，先會大隻」、「原來而家除咗有舖頭貓仲有舖頭鼠」。

真係好唔衛生，成底都唔使要了

有網民指出，雖然可愛，但不能忽略骯髒帶病毒的事實，「鼠鼠好得意，但真係好唔衛生，成底都唔使要了」、「其實佢食嘢個樣都幾得意，可惜係坑渠老鼠」。

眼利網民：該板豆腐唔完整，少咗兩嚿

有網民留意到女生1小時後回去拍攝的影片中，該板豆腐少了兩磚，正正是有老鼠齒印的兩磚，擔心食物安全，「唔係完整啊，係已經賣咗，少咗兩嚿」，有人說「今時今日仲買呢啲豆腐，就算唔係老鼠曱甴，長時間室溫擺放都好易變啦」。

唔係完整啊，係已經賣咗，少咗兩嚿

有網民留言反映，「噚日喺元朗又新街見到有1間賣豆腐嘅舖頭，完全冇冷氣將啲豆腐攤晒出嚟賣，當時仲要太陽未落山，太陽光直射落啲豆腐度，我想問咁樣唔會變壞嘅咩？」。

有網民表示，「街市預咗有，喺香港咁多年，盡量都唔會買即食無包裝嘅食物，如燒味。而家啲街市都乾淨啲，以前你睇住檔燒味隔籬係生豬，啲烏蠅食完刺身食燒味，我唔點解有人買得落手，豆腐起碼你返去點都會再煮」。

老鼠可傳播什麽疾病？住所內有鼠患或死鼠應如何處理？

根據食環署網頁資料，在本港的家居環境中常見的鼠類有3種，分別是溝鼠、黑家鼠和小家鼠。老鼠可傳播鼠疫、鼠斑疹傷寒、叢林斑疹傷寒、斑疹熱、鈎端螺旋體病和漢坦病毒感染等疾病。

市民如發現住所內有鼠患，應通知物業管理公司以尋求協助或聘請滅蟲公司滅鼠；避免自行捕捉老鼠。如有查詢，市民可致電1823或食物環境衞生署查詢熱線2868 0000或食物環境衞生署分區辦事處（辦公時間內）。

處理鼠屍前，要穿上膠手套（如有需要可戴上口罩）。使用工具（如：鉗）把鼠屍放進堅韌的膠袋內，然後以一般家居消毒劑或稀釋漂白水噴灑鼠屍至完全濕透。接着，把該膠袋的袋口綁緊並將它放進另一膠袋內，最後再密封外層膠袋。裝着鼠屍的膠袋應妥善棄置於有蓋垃圾桶或附近的垃圾站內。

漢坦病毒是什麼？漢坦病毒有什麼傳播途徑？

根據衞生署網頁資料，漢坦病毒是一組屬於布尼亞病毒科的病毒，主要見於囓齒動物（如老鼠和田鼠）。漢坦病毒患者主要透過直接接觸受感染囓齒動物的糞便、唾液或尿液，或通過吸入其霧化排泄物中的病毒而染病。

人類亦可由其他途徑染病，包括被帶有病毒的囓齒動物咬傷或抓傷；進食被帶有病毒的囓齒動物的尿液、糞便、唾液污染的食物；接觸被帶有病毒的囓齒動物的尿液、糞便、唾液污染的物件後，再觸摸眼睛、鼻和口，而人與人之間的傳播是極其罕見的。

漢坦病毒的潛伏期有多長？漢坦病毒有什麼病徵？

感染漢坦病毒後，潛伏期約1至8星期。腎綜合症出血熱患者可能會出現突發的症狀，包括劇烈頭痛、背痛、腹痛、發燒、發冷、惡心和視力模糊。其他症狀可能包括臉部潮紅、眼睛發炎或發紅和出疹。到病發後期，患者可能出現低血壓和急性腎衰竭。病死率介乎少於1%到15%不等。

至於漢坦病毒肺症候群患者，早期症狀包括疲倦、發燒和肌肉痛，痛楚可能出現於大腿、臀部、背部和肩膀，亦可能伴有頭痛、頭暈、發冷、惡心、嘔吐、腹瀉和腹痛。病發4至10天後，患者可能出現呼吸道症狀，如咳嗽和呼吸急促。病死率高達約40%。

應如何預防感染漢坦病毒？

要預防感染漢坦病毒，市民應經常保持雙手清潔；小心貯存及處理寵物的食物，避免成為囓齒動物的食物，垃圾及廚餘應放進有蓋垃圾箱內，並須每天清理；避免徒手處理囓齒動物或其屍體、進入受鼠患困擾的地方、接觸囓齒動物的排泄物或其巢穴等等。

（Threads@@orenj1._ / 食環署 / 衞生署）