27歲狂野港姐睇七人欖球賽　大曬水蛇腰遇上有人疑似淋尿

27歲的TVB小花廖慧儀，參選2020年港姐入行，有樣有身材，又不介意性感上陣，馬上受到公司力捧，但同年12月因前男友張家俊（Sam）墮樓身亡，人氣急跌，只是新女青黃不接下，廖慧儀很快已離開冷宮，主持《趁而家去大馬偷……食譜》及《唔滾唔知有料到》，重新出發後，她不時分享自己的生活點滴，近日她去了睇七人欖球賽，竟然有疑似被淋尿的經歷，下文為大家揭曉。

廖慧儀出道後有「狂野空姐」之稱，因前男友輕生事件，受盡責難，但TVB正在用人之際，她很快已走出雪櫃，工作不斷外，又不時分享自己的生活，近日她Po出自己去七人欖球賽的點滴，穿上運動背心的她，大曬水蛇腰，她玩得十分開心，並留言「全部球迷一齊好肉緊咁叫口號做人浪拍櫈拍手大叫，有啲就全程企晒起身無停過，有啲就醉咗三日就快合埋眼原地瞓着。全程一路睇，上面就一路一杯一杯啤酒咁車落嚟下面，個個好似中水彈咁成身濕晒，見到啲啤酒車到落嚟無起泡嘅，都不想深究掉落嚟的是什麼了。」廖慧儀疑似遇上有人淋尿，確是甚為掃興。