億萬千金轉行做煮食KOL 曾一腳踢日賣150個飯盒畀同學仔超捱得
撰文:黃欣華
出版:更新:
歌手伍富橋(Alvin)自從娶了億萬千金梁兆楹(Shirley),由於老婆廚藝了得,經常被笑指幸福肥!最近,Shirley更順應網民要求出煮食影片,主打「手殘廚房系列」,簡易的做法深受網民歡迎! Shirley貴為億萬千金,但絕非十指不沾陽春水,除了曾擔任多個煮食節目撰稿,有份設計食譜,更在英國求學期間幫過不少同學仔整飯盒,一解思鄉之情!
Shirley曾任多個TVB煮食節目撰稿,包括肥媽的《食平D》系列、「鼎爺」李家鼎和「三姐」蕭秀香的《教煮爭霸》和《煮戰》等,非常有實力!問道是否要轉行做煮食KOL,Shirley笑言:「如果多人睇,我真係諗住轉行,Keep住出片,因為橫掂都要煮!」不少網民試過Shirley的「手殘廚房系列」,就會深明為何伍富橋總是幸福肥,因為美食當前真是極之難忍口!
講起煮食的趣事,原來Shirley在英國求學期間幫過不少同學仔整飯盒:「因為我成日都會煮飯,一煮就好多人一齊食飯,讀master嗰年我趁啲人考試冇時間煮飯,我就買餸返去整飯盒,好平咁樣賣,之後就送去圖書館門口交收,我記得最高峰係一日可以賣150個!淨係考試期間,但之後太攰都冇做啦!」