麥明詩認真拍過3次拖 唔認真都試過：分手覺得似解脫
撰文：郭敏玲
出版：更新：
麥明詩今日出席BigBigChannel活動，她在台上講到自己只拍過3次拖，不過後加一句：「認真嘅得3次。」事後問到麥明詩係咪真係得3次？她說：「係真係得3次呀，中五個陣要讀書會考，所以冇拍拖。去到中六先至有拍拖，但我覺得係puppy love，因為當時唔係好知愛係咩，只不過掂下手仔就好開心。」直到大學，她眼中拍那一次拖才是初戀：「個次先知咩係愛。」但因為Long Distance關係分手。咁Long Distance係咪注定散硬？麥明詩就話視乎長短，她那次就分隔5個月。其後第三次就是林作。
麥明詩話3次拖入面，第2次先叫初戀。（郭敏玲攝）
問到唔認真又有幾多次？麥明詩就話一次咋。點解唔認真，她說只維持了幾個月，但又不算是散拖，讓她覺得唔認真的原因並不是心態玩玩下，而是：「分手個時唔會喊到死去活來，而係會覺得係解脫。（點解係解脫？）有好多原因嘅，當時有諗過有將來，但分手之後諗返又冇乜嘢。」問到幾時有第4次？麥明詩話：「尋覓緊呀！」