【Big Big Channel】少奶奶袁彩雲轉行做KOL 教觀眾5分鐘化妝
撰文：溫菁莉
出版：更新：
自2009年嫁俾飲食商人Anthony嘅袁彩雲，婚後就移居加拿大過着少奶奶生活，實行做全職媽媽專心照顧4歲囡囡Alycia。幾乎已淡出娛樂圈的她，平時都會將近況上載到微博，而今早她就現身TVB開設直播平台Big Big Channel化身KOL，教人5分鐘化妝。
大家睇下live學嘢~
+2
上星期六，袁彩雲就帶觀眾參觀友人的家中後花園，仲同雞影相！(微博圖片)
現身處於溫哥華的袁彩雲在直播中就透露自己好耐無見過大家，「我好少講嘢，有時表達得唔好唔好介意，下次live希望可以同大家玩下傾下就算。」她其後指因為自己直播後會去與朋友到郊外公園野餐，所以特意開live教觀眾用5分鐘嘅時間化妝。袁彩雲就話化妝可以令人睇落精神啲，「因為我係全職媽媽，有好多媽媽未必有咁多時間俾自己，因為她們全部嘅時間奉獻俾仔女，對自己可能就不修邊幅咗少少無咁好睇。最重要是有一刻可以有轉變，積極啲做一件事，對自己或者身邊人好好。」袁彩雲其後更用Timer計住自己化妝，真係好認真!
今次已經是她第二次開live，上星期六她第一次開live時就帶觀眾參觀友人的家中後花園，裏面全都是自家種植兼養雞，仲笑言早餐有新鮮雞蛋食！有不少網友見到袁彩雲都以為佢會返ＴＶＢ拍劇，但仲話好懷念佢嘅作品，有心水清嘅網友則指袁彩雲宜家係溫哥華全力湊女，應該只會做ＫＯＬ！