居韓港女Ruby唔記得母語遭網友抨擊：短片用意是自嘲
撰文：溫菁莉
出版：更新：
相信大家身邊有唔少朋友都會去外國工作又或者working holiday，有不少去到外國生活嘅朋友都會化身做blogger，講俾香港嘅朋友聽自己嘅日常生活係點過，又真係吸到唔少like。去外國生活自不然要學習一種新語言，都係一個唔錯的學習方法。而今日網上就有段居韓港女講廣東話嘅短片被網友瘋狂轉載，兼引來不少負評，究竟發生咩事呢？
唔熟韓文的，都要多謝Ruby教識大家風扇係叫送風機。
+2
Ruby雖然已經離開了FNC一職，但都有返去做專題。
事緣有兩位住在韓國嘅女仔分別是Ruby同Reyan，她們均住在當地3年，好多時候唔記得中文詞彙，其後圖片測驗考兩位女仔嘅記唔記得廣東話係咩，其中講「餐廳」同「八達通」，Ruby就講成「食堂」及「交通卡」呢兩個韓文會用嘅詞語，被不少網友大罵“扮嘢兼作狀”。
其實當事人Ruby都算係大有來頭，曾在韓國娛樂公司之一FNC Entertainment工作，呢間公司旗下嘅藝人有CNBLUE,AOA及FTIsland等，這些藝人全都經過多年來的練習生生涯才能踏上韓國演藝圈，而Ruby當時負責嘅範疇就是讓練習生在贏出選秀比賽。但她現時已辭去FNC職位一職，並化身KOL為ViuTV主持節目。
Ruby同Reyan在短片出街後都知道被人鬧，都有出post道歉。
短片出街後，隨即被網友瘋狂洗版，而兩位當事人Ruby同Reyan亦在下午出post道歉，表示原本短片用意是自嘲，「咁我哋都認真講句:其實我哋從來冇講過話我哋唔記得廣東話。今次見有咁多香港人咁擁護廣東話都好開心，亦希望香港政府強推普教中時，大家都會一樣咁踴躍發聲。」唔知大家見到道歉後，有無下返啲火呢？但睇返留言，依然罵聲四起，並認為推人氣並唔係咁推的。