【同盟】55歲歐瑞偉同陳展鵬對打easy job　網民心心眼勁讚佬味濃

《同盟》播出兩個星期，觀眾所討論大多是胡定欣及陳展鵬的肉搏，還有姚子羚與陳山聰熱辣辣親熱戲。不過，監製文偉鴻的劇集，一定不會少綠葉的份。上年做《城寨英雄》的Big boss做得出色，處境劇《開心速遞》飾演的KC與Terry充滿火花的歐瑞偉，在《同盟》的表現一定是亮點。

由第一集開始，歐瑞偉飾演的易先生就好似Marvel的鷹眼般，雖然手拿的是槍不是箭，但準繩度100％，更能戰勝sniper，要保護鮑姐，無所不能是常識吧，飛刀、飛筆都一樣無難度。其後易先生又有與陳展鵬對打場面，手腳動作都非常敏捷，作為一個高水準保鑣，眼神十分堅定，近鏡之下佬味爆燈，一字記之曰：型。文偉鴻在Facebook都有點名大讚歐瑞偉好專業，仲講笑話連老婆都對他有心心眼！至於一眾網民，不論後生仔還是師奶，都讚他有型、佬味濃，媲美「港版007」，咁又係嘅，唔講唔知，歐瑞偉已經55歲，著起西裝絕對唔輸畀其他小生，可塑性極高。

易先生佬味濃圖集