【踩過界】為曬BODY可以去到幾盡？ 王浩信法庭除衫創先河
撰文：洪曉璇
出版：更新：
尚有一星期，無綫劇集《踩過界》將播出大結局，雖然全套劇早於內地網上播出，不過香港剛播出第23集，一樣睇到大家嘩嘩聲。王浩信飾演的文申俠，於法庭上忽然動手脫衣，半裸律師打官司真係第一次見，唔通為咗俾王浩信show body，真係要無所不用其極？
王浩信自己都不禁話：「除衫其實係藐視法庭」。(影片截圖)
劇情講到王浩信飾演的文申俠，得知癲姐被控告恐嚇，從瑞士趕返香港上庭為其辯護，期間申俠突然於庭上脫下上衣，原來為展示背部的刀疤，目的是欲指控戴德仁（單立文 飾）買兇殺人，從而為癲姐洗脫罪嫌。雖然套劇叫做《踩過界》，不過要show證據，應該拎兩張相出嚟都足以證明啦，搞到喺庭上除衫，連王浩信自己都喺宣傳片中笑言：「除衫其實係藐視法庭，但都能夠成立，我覺得呢個係香港拍法律片，我都可算係第一次啦！」身旁嘅張振朗不禁話：「我覺得個酌情權應該係用喺你嘅body同你嘅巨胸。」
酌情權嘅嘢你估個個都有咩。（影片截圖）
Saving半裸落街追Cherry，大家應該記憶猶新。(影片截圖)
呢次張振朗嘅睇法就合情合理得多啦，事關王浩信早被封為「TVB除衫王」，幾乎套套劇都會見到佢嘅裸露鏡頭，包括《EU超時任務》中渠頭要裸跑、《不懂撒嬌的女人》，Saving又要半裸跑落街追唐詩詠、《致命復活》中仲要喺酒店房內全裸對住譚凱琪，重要部位只用水龍頭遮住，仲未計套套戲都總有沖涼戲份，每次有養眼劇情，難得觀眾唔會睇到厭，依舊會嘩嘩聲，Signal Wong「犧牲色相」都總算有價值。
Saving都話有條大毛巾，渠頭得條內褲咋。(資料圖片)
+2