【未來還未來】《前度》劉俊謙周街爆肌 北上留宿廣州學內地口音
撰文：鄺鈺瑩
出版：更新：
劉俊謙將男神靚仔一面收起，盡情地散發出陣陣娘味。（張浩維攝）
ViuTV啟播一年多，雖然仍然未回本，但新劇新節目不停有，論創意算係好過大台。緊接《賤民20》檔期播出嘅《未來還未來》起用新人劉俊謙、岑樂怡、Daisy（羅伊婷）、黃奕晨做主角，《未》故事以4個追夢的年輕人為題材，就好似夏雨兒子黃奕晨，於劇中飾演一名生意失敗嘅憤青，而羅伊婷則飾演一名紅唔起嘅KOL。
轉埸到秀茂坪遊樂場拍攝，劉俊謙趁未埋位娛樂大眾，一秒重現謝天華於《神鎗狙擊》時，攀石時接電話場面，逗得全場工作人員大笑。（張浩維攝）
跨欄後，劉俊謙一身大汗，也不顧得自己在公眾埸合，就馬上除衫散熱，一身肌肉超吸晴，他透露平日一有時間就去運動。（張浩維攝）
因《瑪嘉烈與大衛系列﹕前度》而瞬即成新一代男神嘅劉俊謙，日前於藍田進行拍攝時，滿臉暗瘡、黑框黑鏡、襯衫上汗蹟斑斑，再配埋對白襪仔，嗰種娘味真係唔講得笑。不過，娘還娘，當導演一嗌action，劉俊謙即時連誇幾條欄杆，身手十分敏捷，之後更趁空檔時，在兩欄之間玩起360自轉，果然年輕就是有活力。訪問時，劉俊謙透露自己於劇中是個從小就喜歡看港劇的廣州人，為了得到入行機會而來港。「其實口音係最難，之前上咗廣州幾日，租airbnb同屋住就周圍去，聽他跟其他朋友聊天，之後上網睇廣州同佛山節目。」問到對於自己一身打扮有何感想，劉俊謙笑言十分正，因為只需要畫暗瘡。「當照鏡望見自己時都覺得娘，就係中。」他說由於近乎素顏上陣，所以就算在高溫下拍攝外景，滿頭大汗也不用花時間補妝，十分方便。
Daisy除為Viu兒童節目主持外，近來亦有份演出不少劇集，她更透露有份客串葉念琛新戲。（張浩維攝）
曾參加《美選D.n.A.》嘅Daisy是日一身70年代打扮，訪問時她不停說「已經好好」，更找出更娘的造型照，她笑言每次著起戲服就會係個專業演員，加上首次擔正，所以沒有太多顧慮。問到拍攝時可有感同身受，她說角色似為自己度身訂造。「自己平時都會玩IG，但角色就係一個成日玩直播，又想紅嘅KOL，紅唔紅就唔講啦，但玩直播教化妝、襯衫自己都拿手。」她說現今太多KOL，所以較興幸自己是選美出身。
夏雨兒子黃奕晨於劇中因生意失敗而打算出國遊學。