陳貝兒離婚後首過中秋節 過埠人妻團回港陪伴：我仲有親情同友情
撰文：林迅景
出版：更新：
「愛有好多種，除咗愛情之外仲有親情同友情。」出自陳貝兒 (Janis) 的口中，份外有同感。之前TVB節目《嫁到這世界邊端》播出後，大家都十分關注她與老公黃國棟分開後的生活。剛巧日前就係中秋節，原本應該同老公和家人共聚的日子，剛分居離婚而又第一年單身過節的陳貝兒難免顯得有點缺失。好在之前節目中認識的德國人妻卡菲同泰國人妻Judy專程來港與陳貝兒齊齊追月。
追月一班人打邊爐係開心嘅。
今次咁齊人食飯，原來要多謝節目嘅幕後人員安排。「我都知卡菲同Judy佢哋兩夫婦會過嚟香港探親。原本只係約埋節目嘅幕後一齊食餐飯追月，但係估唔到嘅係佢哋會靜雞雞約埋卡菲同Judy一齊去食飯。」陳貝兒表示，今次德國人妻卡菲今次是回港探親，而泰國人妻Judy則是專程到香港探望她，所以她也感到十分開心。「追月嗰日係我哋自節目之後第一次見返，更加係卡菲同Judy第一次碰面。我哋嗰晚玩得好開心，聚下舊之餘仲可以講下女人嘢。嗰晚Judy個泰國老公仲教卡菲個德國老公講泰文，跟住卡菲個德國老公又教返佢講德文。」有咁多朋友陪，第一年單身過節的陳貝兒就話：「今年係身邊嘅人唔同咗，唔同老公過咪同屋企人，朋友一齊過囉。」
陳貝兒一家。
同朋友們嘈嘈閉追月之餘，中秋節正日更在工作完畢後與家人歡渡佳節。「嗰日都係喺工作中渡過，不過完咗8點《東張西望》之後就返咗屋企同爸爸媽媽食飯。其實每年過節都係分別同老公，屋企人過，唔同老公過咪搵朋友囉。」陳貝兒仲話有咁多朋友家人陪佢，都已經冇咁唔開心，已經開始習慣單身。「單身過中秋節，但係我並不孤單。」
陳貝兒爸爸幫佢影嘅靚相。
+5