麥家琪42歲高齡參加G-1格鬥 同後生女打擂台 :每次拍完都攤喺度
撰文：溫菁莉
出版：更新：
上星期六TVB就做完亮燈儀式介紹今年即將推出的台慶節目，而VivTV今日下午亦舉行節目巡禮，除了陳慧珊及陳國邦幫手拍攝節目之外，久未露面的麥家琪都有為新節目《G－1格鬥會2》做宣傳，身為節目最高齡參賽者的麥家琪就話，「但我心智最年輕嘛！」
麥家琪（左四）面對一班青春少艾，感覺就比較成熟。（江智騫攝）
今年已經42歲屬3子女之母的麥家琪笑言，拍攝節目前特別同其他參賽者叮囑，「千祈唔好打面呀！我每次打完之後乜都唔想理，因為妳出個d力係唔會預計到，我每次拍完之後就係屋企攤係度，要食返好多澱粉質，真係無曬力。」提到點解今次會參加節目，麥家琪表示，「自己都有玩開拳擊，都幾好玩。其實我本身唔太鍾意比賽，但今次就覺得要挑戰下自己。同埋節目幕後好多工作人員都係以前識於微時嘅朋友，而家變咗總導演，監製同高層，所以咪幫下手。」
麥家琪指同參賽者私底下都好friend，但好多時間要照顧小朋友，所以未能出席她們的聚會。（江智騫攝）
+4
而節目中另一名參賽者就是早前與舊公司解約的麥紫莉（Chili），現在變為自由身的Chili笑言，「係自由左，其實無左經理人係身邊可以有好多野自己話事，唔需要俾人管住。」她指都有好多其他經理人公司向她招手，「過去嘅事有好多野要令我睇得好清楚先再做決定。」提到她比之前明顯消瘦不少，Chili坦言非常開心，「至少少了15磅，但其實我唔敢度，都係食得清淡啲咁。」
提到今年7月書展時，Chili指會主持ViuTV的清談節目，她今日就指已與經理人公司解約，計畫亦告吹了。（江智騫攝）