【降魔的】胡鴻鈞都要全裸賣肉？　露埋人魚線好博：我唔使操肌

《降魔的》出街第二日，網民評語比較溫和，普遍都話好睇過《使徒行者2》，因為題材夠特別。昨晚那集就講到為甚麼馬明會有「嘢」跟佢回家，原來就是他有一晚到荒山野嶺撒尿，一不小心原來灑中胡鴻鈞個頭，就此畀人召喚醒了，於是就跟了馬明回家。

胡鴻鈞最初就以「牛屎look」見人，然後就要核爆喇，爆炸之下就全裸見人。網民見到之後都好震驚：「《降魔的》講鬼怪都賣到肉，so sad。」驟眼一睇，胡鴻鈞雖然沒有六塊腹肌，又沒有胸肌，但就見到他隱約有條人魚線。之後一下將馬明揮上天，影住胡鴻鈞背後，見到他十分一個屁股，再來一個wide shot，以為見到啲咩喇…原來都係打格仔。不過，所謂全裸，劇組都會要求胡鴻鈞著返條肉色內褲打底！放心放心。

不過唱開歌的胡鴻鈞，突然要全裸，會否好大犧牲呀？一向豁達的他就話：「唔介意，都係一場半場。」至於全裸見人，好似操肌效果會好啲喎，他再說：「冇特別去操肌喎，我個角色唔駛操㗎，同埋真係好啱，因為有段時間我係入咗醫院，因為喉嚨有問題，食唔到嘢兩星期，正好就係拍呢場戲嘅時間，我就係咁樣減咗肥。」其實胡鴻鈞身型不算瘦削，有無特別幫個body打下陰影呢？就不得而知了。除了胡鴻鈞全裸之外，《降魔的》CG同樣都被關注，始終這套劇制作成本其實大劇低，特效不算出眾，但都有網民不滿：「都2017喇，點解啲CG仲咁老土？」、「亞視個套《我和彊屍有個約會》都仲過佢！」