司徒法正爆男藝人拜狐仙　偽毒歌手再中槍：由得佢不了了之啦

最近ViuTv節目《晚吹》就請到司徒法正上節目講拜狐仙，師傅在江湖行走多年，當然知道怎樣在節目中，有意冇意講幾句，製造節目效果啦，他就在節目中爆了某TVB男星拜狐仙，還因此事業有起色，他說：「...後生有個彈琴都好好嘅（但師傅做了一個彈結他手勢），都大台嘅，懵下懵下，好多女仔鍾意，而家就有啲成績啦，希望佢繼續有發展.....」網民當然猜猜啦，但不知為何，大家都估是坤哥，雖然彈結他，儍更更，又真係幾中坤哥的外型，而昨晚坤哥出席《誇世代》活動，亦有回應此事。

對於不少網民覺得坤哥就是師傅口中所說的人，坤哥昨晚出席《誇世代》活動時就顯得相當無奈，他說：「今年第二槍，又係躺著也中槍，傳我拜狐仙嗰陣呢，我就係深圳拍緊嘢，我睇到大家又估我，真係即刻天然呆，上次就陳潔玲事件啦，啲人又估我周圍溝女，好彩佢都幫我澄清返，今次就估我拜狐仙，我相信師傅唔係講我嘅，我由得佢不了了之啦。」人紅新聞多，坤哥咪當娛樂下大家囉。