【又到聖誕】孖馬國明歡渡聖誕 黃心穎心情靚騷唱功
撰文：洪曉璇
出版：更新：
眨下眼就到咗Boxing Day，唔知大家呢個聖誕假期點過呢？無論同家人朋友定另一半慶祝，都應該非常盡興。馬國明同黃心穎早前先傳出情海翻波，仲話有富二代力追女神，兩個人又答到模稜兩可令外界好擔心。好在有傳媒影到小兩口共度孖住過佳節，行街睇戲食飯仲大方企定俾記者影合照，約會後心穎仲上載一段短片清唱聖誕歌，睇嚟心情相當唔錯。
每次問到戀情兩個人都耍太極，不過又好願意孖住做訪問同影合照。(視覺中國)
雖然年齡上有點距離，但馬國明同黃心穎外形好合襯，呢對CP仲好得觀眾歡心。(視覺中國)
自從今年初傳出馬國明同黃心穎撻着，二人被問到依家到底係咩關係都會大耍太極，馬國明只係話：「總知我地嘅下一步係結婚或者分手。」之前傳出佢地分手消息，轉個頭又被傳媒影到喺平安夜高調行街睇戲食飯，有講有笑仲不時密密斟咬耳仔，見到記者都大方肩貼肩合照，有啲嘢真係唔使講到出口，大家意會就得啦。
黃心穎唱歌時把聲同平時唔一樣，聲底都幾厚，清唱來說仲好穩定添﹗點解星夢仲未簽佢做歌手架？(影片截圖)
平時心穎同馬國明兩個各有各忙，難得可以約會，心穎睇嚟心情非常靚，先喺24號早上upload一段Fing頭短片，話聖誕前夕自己心情相當好。同馬國明約會後，聖誕節又上載一段清唱聖誕歌嘅短片，留言話：「I used to do a lot of caroling when I was young. I miss that. So here it is, offering this simple phrase to kids from 1 to 92. Merry Christmas to you! 」心穎歌喉真係相當唔錯，其實7月時佢喺節目中獻唱王菲名曲《約定》時，外界已經大讚心穎唱功專業，TVB不妨考慮簽佢做埋歌手，下年播《宮心計2之深宮計》時俾佢唱主題曲或插曲，裏面又有心穎同馬國明，夠晒話題性啦。
今年7月黃心穎於《群星拱照big big channel》中唱王菲金曲，當時已被大讚好歌喉。(影片截圖)