【意外嘅嘢】文詠珊芬蘭轉機行李唔見晒 睇極光裝備全失感徬徨
撰文：洪曉璇
出版：更新：
聖誕長假期係外遊嘅高峰期，無論鍾意避寒享受陽光與海灘，還是挑戰極限上雪山或睇極光，都會揀呢個難得嘅長假期出發。去旅行要做足準備，好似文詠珊（Janice Man，JM）諗住去睇北極光當然買齊嘢先啟程啦，帶咗足足5件行李出發。點知人算不如天算，竟然俾航空公司整唔見晒啲行李！最氣憤係航空公司完全無回應，激到JM要喺微博怒吼：「芬蘭航空只回覆一句『不清楚』。 這是一個合理的回覆嗎？」
聖誕節開開心心去旅行，估唔到一出門就唔見晒啲行李，文詠珊唯有苦中作樂喺聖彼得堡買糖食啦。(文詠珊IG)
睇極光但唔見晒啲行李，JM都不禁話，呢個聖誕節認真難忘。(文詠珊IG)
JM喺Boxing Day凌晨上載一張影住飛機嘅相片，原來佢同男友趁住長假期，去北歐玩兩個星期，點知一出發就遇到阻滯，JM留言話：「昨天從芬蘭轉機到聖彼得堡，我的5件行李全給@芬蘭航空Finnair 弄丟了。所有的禦寒衣物和生活用品都在行李中，未來的兩星期在北歐都不知道怎麼過渡，而芬蘭航空只回覆一句『不清楚』。 這是一個合理的回覆嗎？ 」
文詠珊於微博怒轟航空公司不負責任，喺北歐逗留兩星期唔知點算好。(文詠珊微博)
唔少網友都為JM着急，事關睇極光凍到得零下30度，依家佢所有裝備全失真係好危險，網友紛紛幫忙TAG航空公司希望盡快幫JM搵番行李，而佢嘅工作室都留言話：「出行的選擇即是客戶最大的信任，試問你們將客戶的信任放在哪裏？異國他鄉丟失行李，孤立無助…希望能盡快解決…」
網友都為JM感到着緊，紛紛TAG航空公司，甚至芬蘭旅遊局希望幫佢解困。(文詠珊微博)