黃心穎唱《愛回家》主題曲：我唔係天生唱歌好聽

要數近年TVB新一代花旦之中做歌手嘅，要結婚嘅結婚(即係鍾嘉欣，王君馨)，真係無幾個。幾乎聽嚟聽去都好似只有吳若希，菊梓喬同何雁詩咁，btw嚟緊應該終於有新人喇，講嘅就係 TVB劇集《開心速遞》終於有唔洗再聽純音樂，搵嚟黃心穎唱主題曲《在心中》，唔通想成為新一代「洗腦王」？！心穎BB接受《香港01》訪問時笑言，「無諗過要洗人腦。希望啲人記得呢首歌同記得首歌係我唱嘅，又唔需要特別洗人地腦。」

近期心穎BB真係頻頻唱歌，好似早前舉行的TVB2018節目巡禮咁，都即場唱出經典歌《感冒》，聽完肯定唔會感冒。之後又組女團又跳又唱，唔通真係想做樂壇新力軍？她就話完全無諗過咁遠，「因為初初公司叫我係big big channel同節目巡禮上唱live，我係好緊張！！ 到有機會唱劇集主題曲，開心到不得了，我咁耐最想擁有自己一首歌。」

心穎BB覺得呢一刻已經好似一步一步去達成夢想，仲好似古巨基咁話「我真係好中意唱歌！」，一有時間就去學，「但我唔係天生唱歌好好，學咗係對自己好大進步，同埋有時登台我都要做好本份，人地請得我去唱都要唱好佢。錄音當日我都用4-6嗰鐘」咁會唔會希望推出個人專輯？心穎BB就話自己都係好被動要等公司安排，「雖然每日唔係播好長時間，而且都好有困難。我本身比較鍾意唱悲情歌，但今次主題曲係比較輕快，都有挑戰性。」