先傳欠租母親再被貼街招 連詩雅搵業主拍片澄清：係謠傳嚟嘅
撰文：溫菁莉
出版：更新：
踏入2018年第一個星期，連詩雅(Shiga)都可以話係幾黑仔，先被爆出拖欠租金後，昨日在九龍塘地鐵站就發現Shiga嘅媽咪被貼街招，指她未經投資者同意將投放在馬來西亞金礦場的資金轉到女兒名下的公司。今日下午，Shiga就在Big Big Channel，接受訪問澄清事件，「對於媽咪工作上報導，以我了解係佢同佢工作夥伴而弄出來嘅惡作劇，媽咪將會交俾警方處理。」
連詩雅下午接受TVB娛樂新聞台訪問，澄清近日有關媽咪被貼大字報及拖欠租金一事。
Shiga指今次因涉及家人，所以特意在Big Big Channel平台上作回應大家，「雖然我唔清楚媽咪工作上嘅運作，但無論佢做咩都好，我都會100%支持佢。」她又謂媽咪已經年屆70，希望傳媒可以高抬貴手，給予時間同空間佢媽咪去解決佢公司嘅問題。除了澄清媽咪被貼街招一事之外，Shiga亦交代早前有關拖欠租金事件，她強調無拖欠任何租金，「我都有做得唔好嘅地方，就係完上一份合約之後未簽新份租約。但我同業主一向keep友好嘅關係，互相信任，每個月都準時交租金比佢。」
Shiga更向鏡頭騷出新簽的臨時手寫協議書，證明無拖欠租金。
她除了騷出與業主新簽的合約之外，更指業主非常擔心自己想為她澄清，其後Shiga從手機播出業主的聲音，內容指Shiga除了出外工作，一向都十分準時交租，「至於話無合約，我承認呢個單位係冇簽到合約，喺合約滿咗之後，因為大家信任，咁但因為今次事件，我哋今次上嚟，補簽番合約。所有拖欠租金呢件事，係謠傳嚟嘅！」最後她再強調自己財政無問題，並感謝身邊好友及一班粉絲的關心，指自己今年會繼續努力工作。