吳若希開名鬧爆澳門醫生唔理家屬查詢　網民齊附和睇醫生要返香港

吳若希自從生仔結婚之後，專心喺屋企相夫教子，時不時都見佢喺社交平台分享同老公生活趣事，又或者囡囡嘅可愛相。

但Jinny喺社交平台就相當活躍，早前佢就試過喺Facebook同網民隔空開火，為咗維護屋企人同囡囡甚至將網民人肉起底，實行用網絡暴力以暴易暴，唔少粉絲見到佢都大讚估唔到佢咁勇猛。

Jinny前日（7/1）先評撃近日熱論嘅虐兒新聞，鬧佢「恨不得把那些罪犯放緊油鍋裏炸完餵禿鷹！」隔咗2日Jinny又有嘢睇唔過眼，直接開名大鬧澳門其中一間著名醫院，事源有朋友睇醫生發現腎功能唔好，話要洗腎，但Jinny向醫生查詢洗腎嘅好處同壞處時，醫生就Hea佢話決定洗腎先再解釋，要Jinny自己上網搵。今次Jinny雖然就冇直接鬧個醫生，但就講到明係地下住院部男醫生，句句說話都有骨，仲話：「想長命百歲一定要去鏡湖醫院。」引得網民紛紛一齊怒插鏡湖醫院，話有病都要搭船去香港睇醫生。