【溏心風暴3】王賢誌11年後驚喜現身 亂入演律師：拍咗兩晚通宵
撰文：林通賢
出版：更新：
王賢誌外表斯文又有豐富司儀經驗，飾演律師相當入形入格。
《溏心風暴３》進入最後一星期，阿九（黃宗澤飾）同正爸（夏雨飾）一家人對簿公堂，這場終極大龍鳯終於上演，法庭戲焦點當然是律師，除了見到《愛‧回家》嚴謹，還見到離巢多年的王賢誌Vinci飾演邱律師，Vinci自2006年後就離巢出外發展，今次客串4集，原來是監製劉家豪力邀。
王賢誌現為東華三院主席，但幕前工作有增無減，除了在《溏心風暴3》出現，亦有份錄影《百萬富翁》
王賢誌接受《香港01》訪問時，表示今次同《溏心》劇組合作愉快，他說：「家豪拍嗰陣問我，有冇興趣玩下呀？後尾佢就話呢個角色好啱我，我就拍咗兩晚通宵，唔算係咩回巢嘅，因為我呢幾年因為東華身份都會返嚟做下主持或者嘉賓，但拍劇真係10年以上喇，我07年離開，我都想有時間就拍下劇，始終拍劇入屋，而家都仲有內地觀眾記得我拍過《火舞黃沙》同《法政先鋒》做過奸角，綜藝主持始終都係香港人睇居多。」
王賢誌給人感覺是全能司儀，但其實拍過不少劇集，在《法政先鋒》仲做過奸角，估唔到呢？
心水清的電視迷應該記得當年Vinci離巢都鬧出不少風波，尤其爆出女高層收名牌手袋，令到一眾女高層人心惶惶，得罪這麼多女高層，應該回巢有難度，但Vinci就話時代唔同咗，他說：「我諗因為有啲劇同內地合拍，用演員方面同TVB一貫有啲唔同，佢揾唐文龍返嚟，但唐文龍都冇約㗎啦，今次有好多客串㗎，好多非TVB嘅人，我諗而家嘅做法同以前唔同㗎喇。」