洪永城公開撐唐詩詠做視后︰你係我心目中嘅最佳女主角

洪永城和唐詩詠去年5月宣布分手，唐詩詠分手後接受訪問時提過一直以為拍拖只是兩個人的事，只會活在自己的世界，不理外面的事，原來另一半都有壓力。今年唐詩詠終於有份入選「最佳女主角」，昨晚前度洪永城亦在Instagram公開支持呢位曾經的「最佳女友」。

洪永城上用手機app投詩詠一票，不過最感動的是他的留言。他曾經問過詩詠如果拎最佳女主角，上台會講啲乜？當時她話︰「有機會攞先算啦」洪永城話一直以來都只會聽到「詩詠好、詩詠得、詩詠無得頂」，無人講詩詠的壞話，最起碼都拎個「最佳人緣獎」。入行15年的她終於有份提名「最佳女主角」，洪永城又讚每次詩詠開劇都會做足功課，好投入演每一個角色，最後仲話「你係我心目中嘅最佳女主角」，呢句真係隔住個mon都feel到嗰種感動，有幾多個人會咁公開支持前度，仲要幫手拉票，希望詩詠星期日有機會攞獎啦！

唐詩詠選視帝投馬國明一票：希望佢今次唔使再天然呆​

Instagram原文︰

記得曾經問過你，如果你攞最佳女主角，你會講啲咩？你話：有機會攞先算啦。今年終於到你。有樣嘢非常之佩服你，喺劇組咁多年，我從來未聽過一個人講你壞話，只聽到詩詠好、詩詠得、詩詠無得頂，淨係呢個原因你都至少攞個最佳人緣獎啦。當然你點會剩係得呢個奬咁簡單，見到你每次開劇之前角色上嘅準備工夫，令自己投入狀態，而在劇拍攝中無論自己生活中在幾多嘅情緒，你都保持在那狀態之中，你係我心目中嘅最佳女主角，咁多年嘅努力，希望今次你得。