【萬千星輝】胡定欣短髮收埋100枝髮夾　深夜直播拆到手軟

雖然TVB之前落咗限奶令，但上有政策，下有對策，唔少姐仔都依然性感拋胸上陣，不過定欣就好乖，揀咗條相對保守嘅彩色閃片高領長裙，髮型師幫佢Set咗個短髮造型，定欣雖然失落視后寶座，但佢返到屋企之後興致勃勃喺網上直播拆髮夾，估唔估到佢個短髮造型一共收埋咗幾多枝髮夾? 係足足100枝呀！

其實點解一個短髮造型需要咁多髮夾？原來一切都係掩眼法，定欣本身啲頭髮係再長啲嘅，但因為劇組唔俾佢剪短頭髮，所以髮型師幫佢夾起晒啲頭髮，營造一個清爽利落嘅短髮造型，襯返條高領嘅復古裙，髮型師真係用心良苦。