蔡卓妍回應鍾欣潼婚訊：激動到瞓唔到覺
撰文：冼燕珊
出版：更新：
鍾欣潼日前在網上晒巨鑽宣佈婚訊，轟動中港台，有不少祝福聲，亦有人不看好，作為佢好姊妹嘅蔡卓妍（阿Sa），今日親自回應阿嬌結婚一事，她話當時一聽到消息覺得非常激動：「我真係好開心，成晚都瞓唔著，諗返起我哋從十幾歲開始認識，一齊長大，到佢依家結婚，好感觸，諗諗吓啲眼淚就湧出嚟。」【阿嬌結婚】鍾欣潼冇戴戒指 冧爆讚賴弘國：對嘅時間遇到對嘅人
好姊妹鍾欣潼結婚，阿Sa激動到瞓唔著。(梁碧玲攝)
大家都見到阿嬌這十年來過得唔容易，經歷幾段感情，可惜都無疾而終，與幸福擦身而過，阿Sa在她身旁見證著她一直開花沒結果，而今次阿嬌終於邁向下一站幸福，她當然比一般人更加百感交集。
阿嬌今次終於邁向下一站幸福，和她一起成長的阿Sa當然比一般人更加百感交集。(資料圖片/黃國立攝)
阿Sa今日一身軍裝，拍攝英皇網劇《PTU機動部隊》，她飾演林峯的上司，呢次對她來說，最大的挑戰是每朝凌晨四時起身，冒著嚴寒天氣開工：「每日都為自己可以起到身返工而鼓掌，完全唔夠時間休息，日日都拍到腰酸背痛。」當演員需要付出大量的精神體力，真係一啲都唔他條的！
阿Sa今日一身軍裝，拍攝網劇《PTU機動部隊》，最大的挑戰是每朝凌晨四時起身開工。(梁碧玲攝)
+3