李嘉欣微博曬仔仔7歲生日相 網民錯重點話女神肥咗腿粗咗
撰文：張嘉敏
出版：更新：
李嘉欣同仔仔慶祝7歲生日。
大美人李嘉欣做了媽咪後，無論樣貌同身材依然keep得好好，多年來都無走過樣，完全是一個靚媽的典範。今日嘉欣就趁仔仔Jayden 7歲生日，於微博上載了她和仔仔去慶祝生日的開心相，並留言表示：「又愛又恨，咬牙切齒地養了這小子7年！生快、我的寶貝！」而今年的生日會主題是古埃及和法老王，好特別，未知是嘉欣諗定係Jayden的idea呢？
仔仔個生日蛋糕。
雖然相中只見到Jayden的背面，但都睇得出他扮緊法老王，而Jayden已經去媽咪心口咁高，比起同齡的小朋友都算是長得高。粉絲同網民都有留言祝Jayden生日快樂，又讚嘉欣靚。不過都有一些網民覺得她比之前肥了，留言表示話：「比以前胖了些」、「看來一月二月時長肉的時候」、「腿好粗」、「胖了，腿粗了一大圈」等等。而面對網民的批評，女神就唔止無嬲，仲逐一畀讚，果然好有氣量呀。有網民因為得到嘉欣畀讚覺得好開心添。
嘉欣就係呢張相畀網民話佢肥咗。
嘉欣早排睇落確係瘦啲。